काठमाडौं (हाम्रो खेलकुद) – बालुवाटार क्रिकेट क्लब र काठमाडौं क्रिकेट टे«निङ सेन्टर (केसीटीसी) राजधानीमा जारी खुकुरी च्यालेन्जर टी–ट्वान्टी क्रिकेट प्रतियोगिताको फाइनलमा प्रवेश गरेका छन् ।

त्रिवि क्रिकेट मैदान कीर्तिपुरमा बिहिबार भएको खेलमा बालुवाटारले शान्तिनगर युथ क्लब र केसीटीसीले रोयल पिसी फाइटरलाई पराजित गर्दै उपाधिनजिक पुगेका हुन् । फाइनल खेल आइतबार हुनेछ ।

शुक्रबार भएको सेमिफाइनलको पहिलो खेलमा बालुवाटारले शान्तिनगरलाई ४ विकेटले पराजित गर्यो । शान्तिनगरले दिएको १ सय ४८ रनको लक्ष्य बालुवाटारले १९ ओभर २ बलमा ६ विकेट गुमाएर पूरा ग¥यो । बालुवाटारका सोनु तामाङले ५६ रनको अविजित अर्धशतकीय इनिङ्स खेले । ३४ बल खेलेका सोनुले ४ छक्का र ३ चौका हिर्काए । पृथु बास्कोटाले ३९ रन जोडे । प्रनित थापामगर २० तथा किसन कार्की १३ रनमा आउट भए । शान्तिनगरका राम नरेश गिरी, सुनिल धमला, अजय राजवंशी, मञ्जित श्रेष्ठ, मुकुन्द यादव र फिर्दाेस अन्सारीले समान १ विकेट लिए । यसअघि टस हारेर पहिले ब्याटिङको निम्तो पाएको शान्तिनगरले ४ विकेटको क्षतिमा १ सय ४७ रन बनायो । सिद्धान्त लोहनीले अविजित ७३ रनको अर्धशतकीय इनिङ्स खेले । अमित श्रेष्ठ ३३ र मञ्जित श्रेष्ठले २४ रन जोडे । बालुवाटारका अमरसिंह राउटेलाले दुई तथा क्षितिज सिंह र सिद्धान्तराज शाहीले समान १ विकेट लिए ।

अर्काे खेलमा केसीटीसीले रोयललाई ४१ रनले पराजत ग¥यो । केसीटीसीले दिएको १ सय ६४ रनको लक्ष्य पछ्याएको रोयलले ९ विकेट गुमाएर १ सय २२ रनमात्र बनाउन सक्यो । रोयलका लागि सन्दिप सुनारले ५३ रन तथा सुवस खकुरेलले १५ रन जोड्नुबाहेक अन्य ब्याट्सम्यानले दोहोरो अंकमा रन बटुल्न सकेनन् । सञ्जय बस्नेतले ३ विकेट लिए । अदल खानर सुमित झाले २–२ विकेट बाँडे । नन्दन यादवले १ विकेट आफ्नो नाममा लेखाए । यसअघि पहिले ब्याटिङ गरेको केसीटीसीले ७ विकेट गुमाएर १ सय ६३ रन जोडेको थियो । केसीटीसीका सुमित महर्जन ५६ रना नटआउट रहे । सञ्जय बस्नेत २५ तथा सन्तोष पोडैलले २२ रन जोडे । अदिल खान १५ तथा सुधिर चौधरी १३ रनमा पभेलियन फर्किए । प्रकाश विष्ट र शम्शेर चन्दले समान २ विकेट लिए ।