पोखरा (हाम्रो खलकुद) – मदन भण्डारी स्पोर्टस् एकेडेमीअन्तर्गत क्रिकेट विभागले कास्की जिल्ला संघ गठन गरेको छ । प्रविण रानाभाटको अध्यक्षतामा रहेको कास्की विभागको उपाध्यक्षमा उपाध्यक्षमा जिम्मी गुरुङ, सचिवमा भोजराज बराल, सहसचिबमा सन्दिप गिरी र कोषाध्यक्षमा शम्भु पतानी छन् ।

विभागको सदस्यमा दिपेन्द्र रानाभाट, ऋषिकेश शर्मा, विधान श्रेष्ठ, गोविन्द प्रधान, अशिष भण्डारी, मनिषा गुभाजु, सिंह बहादुर गुरुङ, रिजन प्रजु, सुष्मिता गुरुङ, विजय भुजेल र अर्जुन जोशी छन् । स्पोर्टस एकेडेमीका केन्द्रिय अध्यक्ष विनोद श्रेष्ठले एकेडेमी नेपालमा चार वटा खेललाई लक्षित गर्दै अगाडी वढिरहेको बताए ।

‘नेपालमा क्रिकेट, मार्सल आटर््स, फुटबल र भलिबल खेलका नयाँ प्रतिभाको खोजी गर्नेछौं,’ उनले भने,‘ एकेडेमीले विद्यालयस्तर बाट नै खेलाडीको पहिचान गरि उनीहरुलाई राष्ट्रिय खेलाडी बनाउने अभियानमा हामी जुटको छौं ।’ अध्यक्ष श्रेष्ठले २०७४ फागुन २८ गते प्रदेश नं ५ को प्रस्तावित राजधानी बुटबलमा १५ लाख रुपैयाँ धनराशीको राष्ट्रिय स्तरको फुटबल प्रतियोगिता आयोजना गरिने बताए ।

उक्त प्रतियोगितामा भाग लिने एकेडेमीको टोलीलाई मलेसियामा लगेर प्रशिक्षण दिने तयारी समेत भएरहेको उनले जानकारी दिए । फागुनमा भक्तपुरमा राष्ट्रिय भलिबल, वैशाखमा मार्शल आर्ट्स गरिने उल्लेख गर्दै अध्यक्ष श्रेष्ठले भने ‘हामीले ५ वर्ष सम्म महिनामा एक पटक कुनै न कुनै एक खेलको राष्ट्रिय प्रतियोगिता आयोजना गर्ने छौं । ’ कार्यक्रममा एकेडेमी क्रिकेट विभागका केन्द्रिय अध्यक्ष विकास अधिकारी, केन्द्रिय सदस्य सुदिश शर्मा, एकेडेमीका केन्द्रिय सदस्य ऋषि गौतम लगायतको उपस्थिति थियो ।