काठमाडौं (हाम्रो खेलकुद) – विश्व कप छनोटको यात्राका रुपमा रहेको आइसिसी विश्व क्रिकेट लिग डिभिजन–२ प्रतियोगिता आज नामिबियामा सुरु हुँदैछ । पहिलो खेलमा आयोजक नामबियासँग खेल्दै नेपालले प्रतियोगिताको यात्रा प्रारम्भ गर्दैछ ।

अफ्फिज पार्क मैदानमा खेल नेपाली समयअनुसार दिउँसो १.१५ मा सुरु हुने खेलमा नेपालले टस जितेर पहिले फिल्डिङ रोजेको छ । डिभिजन–२ कै लागि नेपालले एक साता युएईंमा प्रशिक्षणसहित ३ अभ्यास खेल खेलेको थियो । जसमध्ये नेपालले २ खेलमा जित हात पारेको थियो ।

युवा खेलाडी सम्मिलित नेपाली टोली उच्च मनोबलका साथ मैदान उत्रने बताइएको छ । अभ्यास खेलमा राम्रो प्रदर्शन गरेका रोहित पौडेल आज डेब्यु पनि गर्दैछन् ।

डिभिजन–२ को शीर्ष दुई भित्र पर्न सके त्यसले नेपाली क्रिकेटको भविष्य निर्धारण गर्न सक्दछ । त्यस्तो हुन नसके नेपालले लामो समय विभिन्न ठुला प्रतियोगिताबाट बञ्चित हुनुपर्नेछ । नेपाल र नामिबिया विश्व क्रिकेट लिग डिभिजन–१ बाट घटुवा हुदै डिभिजन–२ मा पुगेका थिए ।

नेपाल र नामिबिया तीन वर्षमा चौथोपटक आमने–सामने हुन लागेको हुन् । यसअघिका तीन खेलमा जित निकालेको नेपाल नामिबियालाई चौथो खेलमा पनि पराजित गर्ने लक्ष्यमा हुनेछ ।

नेपाली सुरुवाती ११ – पारस खड्का (कप्तान), ज्ञानेन्द्र मल्ल (उपकप्तान), बसन्त रेग्मी, शरद भेषावकर, सोमपाल कामी, करण केसी, आरिफ शेख, सन्दिप लामिछाने, दीपेन्द्रसिंह ऐरी, दिलीप नाथ, रोहितकुमार पौडेल