7 years ago
January 25, 2018
काठमाडौं (हाम्रो खेलकुद) – आइसीसी विश्व क्रिकेट लिग डिभिजन-२ का लागि पारस खड्काको कप्तानीमा १४ सदस्यीय टोलीको घोषणा भएको छ । टोलीमा रोहित कुमार पौडेलको रुपमा नयाँ अनुहारको आगमन पनि भएको छ ।
नेपालले फेब्रुवरी ८ देखि १५ सम्म नामिबियामा डिभिजन-२ प्रतियोगितामा प्रतिस्पर्धा गर्दै छ । आइसीसी प्रतिनिधि अमिनुल इस्लाम, प्रशिक्षक जगत टमाटा र कप्तान पारस खड्का सम्मिलित ३ सदस्यीय छनोट समितिले बिहिबार टोलीको घोषणा गरेका हुन् ।
ओपनिङमा सुनिल धमला र दिलिप नाथमध्ये एक खेलाडिले उपकप्तान मल्लको साथ दिने देखिन्थियो । तर सुनिल अन्तिम टोलीमा नपरेपछि ज्ञानेन्द्र मल्ल र दिलिप नाथले नेपालको ओपनिङ सम्हाल्ने पक्का देखिन्छ । त्यस्तै अनिल शाह यसअघि टोलीमा परे पनि सुरुवाती ११ मा भने परेका थिएनन् । घरेलु प्रतियोगिताहरुमा राम्रो प्रदर्शन गरेका रोहितले भने पहिलो पटक टोलीमा स्थान पाएका हुन् ।
टोली शनिबार युएईमा अभ्यास खेलका लागि प्रस्थान गर्ने छ । युएईमा नेपालले ३ अभ्यास खेल खेल्दै फेब्रुवरी ४ मा नामिबिया प्रस्थान गर्ने छ ।
छनोट हुन सफल १४ सदस्यीय टोली यस प्रकारको रहेको छ:
१. पारस खड्का (कप्तान)
२. ज्ञानेन्द्र मल्ल (उपकप्तान)
३. शक्ति गौचन
४. वसन्त रेग्मी
५. शरद भेषवाकर
६. सोमपाल कामी
७. करन केसी
८. आरिफ शेख
९. सन्दिप लामिछाने
१०. दिपेन्द्र सिंह ऐरी
११. दिलिप नाथ
१२. ललित भण्डारी
१३. अनिल कुमार शाह
१४. रोहित कुमार पौडेल
September 19, 2024
एजेन्सी – अलराउन्डर रविचन्द्रन आश्विनको शतक सहयोगमा भारतले बंगलादेशविरुद्धको पहिलो टेस्टमा बलियो स्थितीमा रहेको छ । दुई खेलको टेस्ट सिरिजका लागि बंगलादेश भारत भ्रमणमा रहेको छ । पहिलो टेस्टमा टस हारेर पहिले ब्याटिङको निम्ता पाएको घरेलु टोलीले पहिलो दिनको खेल सकिदा ६ विकेट गुमाएर ३ सय ३९ रन बनाएको छ । भारतका लागि आश्विन १ […]
September 19, 2024
काठमाडौं(हाम्रो खेलकुद) – गुलशन झाको अलराउन्ड प्रदर्शनको बाबजुत नेपाल आइसिसी विश्वकप लिग–२ त्रिकोणात्मक ओडिआई सिरिजमा ओमानसँग पराजित भएको छ । क्यानडाको किङ्ग सिटीमा बिहीवार बिहान सम्पन्न खेलमा नेपालमाथि ओमानले १ विकेटको जित हात पारेको हो । मंगलबार भएको पहिलो ओडिआईमा पनि नेपाल घरेलु टोलीसँग पराजित भएको थियो । नेपालले दिएको २ सय २१ रनको लक्ष्य […]
September 19, 2024
काठमाडौं(हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा नेपालविरुद्ध ब्याटिङ गरिरहेको ओमानको आधा टिम पेभिलियन फर्किएको छ । ओमानका लागि पाँचौ विकेटका रुपमा प्रतिक अथाभाले आउट भएसँगै आधा टिम पेभिलियन फर्किएको हो । अथाभाले करण केसीको बलमा आउट भएका हुन् । उनले ३६ बलमा २६ रन बनाएका थिए । त्यसअघि चौथो विकेटका रुपमा आयान […]