7 years ago
January 16, 2018
सेन्चुरियन (एजेन्सी) – भारतले घरेलु टोली दक्षिण अफ्रिकाविरुद्ध दोस्रो टेस्टमा २ सय ८७ रनको लक्ष्य पछ्याउने क्रममा ३ विकेट गुमाइसकेको छ । अन्तिम एक दिनको खेल बाँकी रहँदा जितका लागि भारतले अझै २ सय ५२ रन बनाउनु पर्ने दबाब छ । अर्को तिर जितका लागि दक्षिण अफ्रिकाले ७ विकेट लिनुपर्ने हुन्छ ।
भारतले ३ विकेको क्षतिमा ३५ रन जोड्दा चौथो दिन मंगलबारको खेल सकिएको थियो । चेतेश्वर पुजारा ११ र पार्थिव पटेल ५ रनमा अविजित छन् । ओपनर मुरली विजय ९, लोकेश राहुल ५ र कप्तान विराट कोहली ५ रनमा आउट भएका थिए । घरेलु टोलीका लुङ्गी एनगिदीले २ र कागिसो राबाडाले १ विकेट लिए ।
पहिलो इनिङ्समा २८ रनको अग्रता लिएको दक्षिण अफ्रिकाले दोश्रो इनिङ्समा २ सय ५८ रन जोड्दै भारतलाई २ सय ८७ रनको लक्ष्य दिएको थियो । चौथो दिन मंगलबार २ विकेटको क्षेतिमा ९० रनबाट खेलअघि बढाएको घरेलु टोलीले सबै विकेट गुमाउँदै २ सय ५८ रन बनाएको थियो । अघिल्लो दिन ५० रनमा अविजित रहेका एबी डि भिलियर्सले ८० रन जोडे । डिन एल्गर ६१ र फाफ डु प्लेसिस ४८ रन बनाए ।
भारतका लागि मोहमद सामीले सर्वाधिक ४, जसप्रित बुमराले ३, इशान्त शर्माले २ र रविचन्द्रन आश्विनले १ विकेट लिए । दक्षिण अफ्रिकाले पहिलो इनिङ्समा ३ सय ३५ तथा भारतले कप्तान कोहलीको १ सय ५३ रनको मद्दतमा भारतले ३ सय ७ रन बनाएको थियो । तीन टेस्टको श्रृखंलामा दक्षिण अफ्रिकाले १–० को अग्रता लिएको छ । पहिलो टेस्ट घरेलु टोलीले ७२ रनले जितेको थियो ।
March 14, 2025
काठमाडौं (हाम्रो खेलकुद)- लुम्बिनी प्रदेश र मधेश प्रदेश प्रहरी कार्यालय प्रथम आइजिपी कप क्रिकेट प्रतियोगिता २०८१ को उपाधिका लागि भिड्ने भएका छन्। शुक्रवार भएको सेमिफाइनलमा लुम्बिनीले सुदूरपश्चिम प्रदेश प्रहरी कार्यालयलाई १ सय ९ र मधेशले राष्ट्रिय प्रहरी प्रशिक्षण प्रतिष्ठान टिमलाई १२ रनले हराउँदै फाइनल पुगेका हो। पहिलो सेमिफाइनलमा टस हारेर पहिले ब्याटिङको निम्तो पाएको लुम्बिनीले […]
March 14, 2025
काठमाडौं (हाम्रो खेलकुद) – बागमती प्रदेशले प्रधानमन्त्री(पिएम) कप पुरुष एकदिवसिय राष्ट्रिय क्रिकेट प्रतियोगिता २०२५ मा पहिलो जित हासिल गरेको छ । शुक्रवार भएको आफ्नो तेस्रो खेलमा पहिलो जित निकाल्ने क्रममा बागमतीले सुदूरपश्चिम प्रदेशलाई ५५ रनले पराजित गरेको हो । २ सय ६७ रनको लक्ष्य पछ्याएको सुदूरपश्चिम ४७ ओभरमा २ सय ११ रनमा समेटियो । सुदूरपश्चिमका […]
March 14, 2025
काठमाडौं(हाम्रो खेलकुद) – युगाण्डामा जारी वुमेन्स कप टि ट्वान्टी आई सिरिजमा नेपालले सान्त्वना जित हासिल गरेको छ । लिग चरणको अन्तिम खेलमा नेपालले हङकङलाई ६ विकेटले हराउँदै सान्त्वना जित हात पारेको हो । हङकङ १ सय ५ रनको लक्ष्य नेपालले १९.३ ओभरमा ४ विकेट गुमाएर पूरा गर्यो । नेपालका लागि ओपनर सम्झना खड्काले सर्वाधिक ४७ […]