default_image

7 years ago

January 14, 2018

नेपाल नेत्रहिन विश्व कपमा भारतसँग पराजित

80 views

0 Bookmark

काठमाडौं (हाम्रो खेलकुद)– नेपाल टोली नेत्रहीन एकदिवसीय विश्वकप क्रिकेटमा आज भारतसँग पराजित भएको छ । आइतबार दुबईको अजमानमा भएको खेलमा नेपाल भारतसँग ८ विकेटले पराजित भएको हो । अजमानस्थित इडनगार्डेन क्रिकेट मैदानमा नेपालले प्रस्तुत गरेको १ सय ५७ रनको लक्ष्य भारतले १५ ओभरमा २ विकेटको क्षतिमा पूरा ग¥यो ।

नेपालले दिएको सामान्य लक्ष्य पछ्याएको भारतका लागि अनिल घरियाले ५४ रनको अर्धशतकीय पारी खेले । अनिलले २९ बलमा ६ चौका प्रहार गरे । महेन्दर भिस्नभले ४० रन र रामबीर सिंहले ३८ रनको अविजित पारी खेले ।रामबीरले ३८ बलमा ५ चौका प्रहार गरे । भारतको खातामा ३० रन हुँदा ओपनर दुर्गा राउ आउट भए पनि अनील र महेन्दरले पारी सम्हालेका थिए ।

नेपालको बलिङमा सुर्य भट्टराई र भरत थापाले समान १ विकेट लिए ।भरतले ३ ओभर बलिङ गर्दा २५ रन खर्चिए । ५ ओभर बलिङ गरेका सुर्य निकै महंगा साबित हँदा ५८ रन खर्चिए । अन्य बलरले थप विकेट लिन नसक्दा भारतले सहज जित निकाल्यो । त्यसअघि टस जितेर पहिले ब्याटिङ गरेको नेपाल ३७.५ ओभरमा ९ विकेटको क्षतिमा १ सय ५६ रनको मध्यम स्कोर खडा ग¥यो ।

मध्यम सुरुआत गरेको नेपालको खातामा ३३ रन हुँदा रमेश बानियाँ १४ रनमा आउट भए । अर्का ओपनर सुनील राना १७ रनमा एलबी डब्लुको शिकार भए । तेस्रो नम्बरमा ब्याटिङ गर्न आएका सुनील क्षेत्री र सुर्य भट्टराई सस्तैमा पभेलियन फर्किएपछि नेपालको पारी धरासायी बन्यो । सुर्य र सुनील आउट हुँदा नेपालको खातामा ४८ रन मात्र थियो ।

त्यसपछि ब्याटिङमा आएका पदम बडेला २४ रनमा रिटायर्ट हर्ट हुँदै पभेलियन फर्किए । यद्यपि,भरत थापाले ३५ रन बनाउँदै नेपालको पारी उकासेका थिए । कप्तान किर्तन श्रेष्ठले ११ रन बनाएर आउट हुँदा अन्य ब्याट्सम्यानले दोहोरो अंकमा रन बटुल्न सकेनन् ।

चौथो खेलमा पनि नेपाली ब्याट्सम्यानबीच तालमेल नहुँदा नेपालले ४ विकेट रनआउटको रुपमा गुमाएको थियो । भारतीय फिल्डरले उत्कृष्ट फिल्डङ गर्दै नेपाललाई रन बटुल्नबाट रोकेका थिए । भारतको बलिङमा प्रकास जयरमैयाँले २ तथा जफर एकबाल, प्रेम कुमार, रामबीर र अजय कुमारले १–१ विकेट निकाले ।

नेपालले अब लिगको अन्तिम खेल सोमबार अस्ट्रेलियासँग खेल्नेछ । सो खेलमा जित निकाल्दै नेपाल विश्वकपमा सान्त्वना अन्त्य गर्ने लक्ष्यमा रहेको छ । विश्वकपको अन्तिम ४ मा भारत, पाकिस्तान, श्रीलंका र बंगलादेश पुग्दा नेपाल र अस्ट्रेलिया लिग चरणबाटै बाहिरिनेछ ।

March 17, 2025

पेनोरिस ११ लाई इन्डो- नेपाल टि ट्वान्टी उपाधि

हिमाल खरेल,मेचीनगर पेनोरिस ११ ले इन्डो–नेपाल टि ट्वान्टी क्रिकेट प्रतियोगिताको उपाधि जितेको छ । आज भएको फाइनलमा थन्डर्स ११ लाई ७ विकेटले पराजित गर्दै पेनोरिस ११ च्याम्पियन बनेको हो । मेचीनगर ४ बाहुनडाँगीस्थित सरस्वती माविको खेल मैदानमा टस जितेर पहिले ब्याटिङ गरेको थन्डर्सले २० ओभरमा ९ विकेटको क्षतिमा ९१ रन मात्र बनाउन सक्यो । थन्डर्सका […]

March 17, 2025

विश्वकप छनोटका लागि टोलीको घोषणा

काठमाडौं(हाम्रो खेलकुद) – यु १९ पुरुष विश्वकपको एसिया छनोटका लागि टोली घोषणा भएको छ । नेपाल क्रिकेट संघ(क्यान) ले सोमवार नरेन भट्टको कप्तानीमा १८ सदस्यीय टोलीको घोषणा भएको छ । यही चैत ३० बाट बैशाख ८(१२ अप्रिल देखि २१ अप्रिल) सम्म काठमाडौंमा आयोजना हुने एसिया छनोटका लागि टोली घोषणा भएको हो । क्यानका अनुसार अन्तिम […]

March 17, 2025

एपिएफमाथि आर्मीको जित

काठमाडौं(हाम्रो खेलकुद) – त्रिभुवन आर्मी क्लबले प्रधानमन्त्री (पिएम) कप पुरुष एकदिवसीय राष्ट्रिय प्रतियोगितामा एपिएफ क्लबलाई हराउँदै लगातार पाँचौ जित निकालेको छ । विभागीय डर्बीमा सोमवार आर्मीले एपिएफलाई ३ विकेटले पराजित गर्यो । १ सय ४२ रनको लक्ष्य आर्मीले ४२.५ ओभरमा ७ विकेट गुमाएर पूरा गर्यो । आर्मीको जितमा कुशल मल्लले नट आउट रहँदै सर्वाधिक ३१ […]

Success

Thank you for your time.