7 years ago
December 30, 2017
काठमाडौं (हाम्रो खेलकुद) – भैरहवा ग्ल्याडिएटर्सलाई पराजित गर्दै विराटनगर वारियर्स टीभिएस एभरेष्ट प्रिमियर लिग (इपीएल) टी–ट्वान्टी क्रिकेट प्रतियोगिताको च्याम्पियन बनेको छ ।
विराटनगरले भैरहवालाई रोमाञ्चक बनेको खेलमा १ रनले पराजित गर्दै इपीएलको च्याम्पियन बनेको हो । जितसँगै विराटनगरले २१ लाख रुपैया प्राप्त गर्यो । जितसँगै विराटनगरले भैरहवामाथि लगातार तेस्रो जित दर्ता गर्यो । भैरहवा विराटनगरसँग लिग चरणमा ३५ र क्वालिफायरमा ८ विकेटले पराजित भएको थियो ।
विराटनगरले दिएको १ सय ५० रनको लक्ष्यमा भैरहवाले निर्धारित २० ओभरमा ९ विकेट गुमाएर १ सय ४८ रनमात्र बनाउन सक्यो । १९ ओभरमा कप्तान पारस खड्काले ४ रन खर्चदै २ विकेट लिएर विराटनगरको उपाधि सम्भावना कायमै राखेका थिए । २० औं ओभरमा बलिङमा आएका अनिल शाहले उत्कृष्ट बलिङ गर्दै रनआउट सहित तीन विकेट लिँदै ७ रन खर्चदै जित हात दिलाए ।
यसअघि आठौं ओभरमा अंशुमन रथको बलिङमा ३६ रन खाँदा विराटनगर दवावमा आएको थियो । भैरहवाका लागि कप्तान शरद भेषवाकरले ५२ रनको अर्धशतकीय योगदान दिए । ३९ बल खेलेका शरदले ४ चौका र ४ छक्काको मद्दतले ५२ रनको राम्रो पारी खेलेका थिए । उनी वसन्त रेग्मीको बलमा करन केसीबाट रनआउट भएका थिए ।
प्रथम सालुङ्के ३० रनमा पारस खड्काको बलमा अनिल कुमार शाहबाट क्याच आउट भए । राहुल यादव ६ रनमा करन केसीको बलमा अनिल कुमार शाहबाट क्याच आउट भए । आरिफ शेख २७ रनमा आउट भए तथा रोहित कुमार पौडेल ७ रनमा नटआउट रहे । प्रदिप ऐरी ६ रनमा आउट भए । भुपेन्द्र थापा ३ रनमा नटआउट रहे । विराटनगरका कप्तान पारस खड्काले ३ तथा करन केसी र अनिल कुमार शाहले २ विकेट लिए ।
यसअघि त्रिवि क्रिकेट मैदानमा टस जितेर पहिले ब्याटिङ गरेको विराटनगरले निर्धारित २० ओभरमा ७ विकेट गुमाएर १ सय ४९ रनको मध्यम योगफल तयार गर्यो । विराटनगरका लागि अंशुमन रथले सर्वाधिक ४१ रनको योगदान दिए । कप्तान पारस खड्का २७ रनमा हरिशंकर शाहको बलमा भुवन कार्कीद्वारा क्याच आउट भए ।
प्रतियोगिताभर राम्रो प्रदर्शन गरेका हङकङका कप्तान समेत रहेका बाबर हायात ११ रनमा आरिफ शेखको बलमा राहुल यादवबाट क्याच आउट भए । पहिलो विकेटको रुपमा आसिफ शेख ७ रनमा आउट भएका थिए । उनी शरदको बलमा रोहितद्वारा क्याच आउट भए ।
पाँचौं विकेटको लागि अनिल कुमार शाह र प्रनित थापामगरले ३४ रनको साझेदारी गरे । अनिल शाह २२ रनमा आउट भए भने प्रनित थापा मगर १४ रनमा बोल्ड भए । सुमित महर्जन ३ रनमा रन आउटको शिकार भए । त्यस्तै करन केसी ९ तथा बसन्त रेग्मी ३ रनमा नटआउट रहे ।
भैरहवाका लागि हरिशंकर शाह, कृष्ण कार्की र आरिफ शेखले समान २ विकेट लिए । कप्तान शरद भेषावाकर र आरिफ शेखले १ विकेट लिए । पुस ३ गतेबाट शुरु भएको प्रतियोगितामा देशभरका ६ टिमले प्रतियोगितामा प्रतिस्पर्धा गरेका थिए ।
विजयी टोलीका कप्तान पारस खड्का म्यान अफ द म्याच घोषित भए । त्यस्तै रोहित कुमार पौडेल ‘मोस्ट भ्यालुएबल’ खेलाडि घोषित भए भने ‘प्लेयर अफ द टोर्नामेन्ट’ बाबर हायत भए ।
March 18, 2025
काठमाडौं(हाम्रो खेलकुद) – इशान पाण्डेको अलराउण्ड प्रदर्शनमा बागमती प्रदेशले प्रधानमन्त्री(पिएम) कपमा पुरुष एकदिवसीय राष्ट्रिय क्रिकेट प्रतियोगितामा गण्डकीलाई पराजित गरेको छ । मंगलवार भएको खेलमा बागमतीले गण्डकी प्रदेशलाई ६९ रनले हरायाे । बागमतीले दिएको २ सय ८९ रनको लक्ष्य पछ्याएको गण्डकी ४४ ओभरमा २ सय १९ रनमा अल आउट भयो । गण्डकीका लागि वंश क्षेत्रीले सर्वाधिक […]
March 18, 2025
काठमाडौं(हाम्रो खेलकुद) – कर्णाली प्रदेशले प्रधानमन्त्री(पिएम) कपमा पुरुष एकदिवसीय राष्ट्रिय क्रिकेट प्रतियोगितामा कोशीविरुद्ध जित हात पारेको छ । मंगलवार भएको खेलमा कर्णालीले कोशीमाथि १ सय २७ रनको फराकिलो जित हासिल गरेको हो । कर्णालीले दिएको २ सय १९ रनको मध्यम लक्ष्य पछ्याएको कोशी ३५ ओभरमा ९१ रनमा समेटिएको थियो । कोशीका लागि ओपनर चिराग साहले […]
March 18, 2025
एजेन्सी – घरेलु टोली न्युजिल्याण्डले पाकिस्तानमाथि लगातार दोस्रो टि ट्वान्टी आईमा पराजित भएको छ । मंगलवार भएको ५ खेलको टि ट्वान्टी आईको दोस्रो खेलमा न्युजिल्याण्डले ५ विकेटको जित हात पारेको छ । लगातार दोस्रो जितका साथ न्युजिल्याण्डले सिरिजमा २-० को जित हात पारेको पहिलो टि ट्वान्टी आईमा न्युजिल्याण्ड ९ विकेटले विजयी भएको थियो । बर्षाका […]