7 years ago
December 27, 2017
बाबरको अर्को विष्फोटक अर्धशतक
काठमाडौं (हाम्रो खेलकुद) –विराटनगर वारियर्स राजधानीमा जारी टीभिएस एभरेस्ट प्रिमियर लिग (इपीएल) टी–ट्वान्टी क्रिकेट प्रतियोगिताको फाइनलमा प्रवेश गरेको छ ।
इपीएल अन्र्तगत बुधबार भएको क्वालिफायरमा बाबर हायतले अर्को अर्धशतकीय इनिङ्स खेलपछि भैरहवा ग्लाडियटर्सलाई पराजित गर्दै प्रतियोगिताको फाइनलमा प्रवेश गरेको हो ।
पराजित भएपनि भैरहवाले आजै हुने इलिमेटरको विजेतासँग अर्काे इलिमेटर खेल्ने मौका पाउनेछ । इलिमेटरमा आज ललितपुर प्याट्रियट्स र पोखरा राइनोजबीच खेल हुदैछ । दोस्रो इलिमेटर खेल बिहिबार हुनेछ ।
भैरहवाले दिएको १ सय २८ रनको लक्ष्य विराटनगरले १७ ओभरमा २ विकेट गुमाएर पुरा गर्यो । विराटनगरको जितमा बाबर हायतले ६२ रनको अर्धशतकीय इनिङ्स खेले ।
पहिलो विकेटको रुपमा आसिफ शेखलाई शुन्य रनमा गुमाएको विराटनगरको इनिङ्स हङकङका बाबर हायत र अंशुमन रथले ७४ रनको साझेदारी गर्दै सम्हाले । उत्कृष्ट ब्याटिङलाई निरन्तरता दिएका हायातले ४४ बल खेल्दै ४ चौका र ५ छक्का प्रहार गरेका थिए । कप्तान पारस खड्का ४१ रनमा तथा अंशुमन रथ २६ रनमा नटआउट रहे । भैरहवाका हरिशंकर शाह र पुनित मेहराले समान १ विकेट लिए । पारसले ४ छक्का प्रहार गर्दै विरानगरको जित सहज बनाएका थिए ।
यसअघि त्रिवि क्रिकेट मैदानमा टस हारेर पहिले ब्याटिङ गरेको भैरहवाले निर्धारित २० ओभरमा ८ विकेट गुमाएर १ सय २७ रनको मध्यम योगफल तयार पारेको थियो ।
भैरहवाका लागि मध्यक्रमका ब्याट्सम्यान पुनित मेहरा ४९ रनमा आयट भए । आरिफ शेखले ४६ रन बनाए । आरिफ र पुनितले पाँचौ विकेटका लागि ८२ रनको साझेदारी गर्दै इनिङ्स उकासेका थिए । ३५ बल खेलेका आरिफले १ चौका र ३ छक्का प्रहार गरे । ३४ बल खेलेका पुनितले ३ चौका र ३ छक्का प्रहार गरे ।
खराव शुरुवात गरेको भैरहवाले शुरुवाती २७ रन जोड्दा महत्वपूर्ण ४ विकेट गुमाएको थियो । भुपेन्द्र थापा २, रोहित कुमार पौडेल ६ रनमा आउट आउट भए । कप्तान शरद भेषवाकार ८ रनमा आउट भए । ओभरसिज खेलाडी राहुल यादव ७ रनमा आउट भए । प्रथम सालुङ्के ३ रनमा आउट भए ।
विराटनगरका शाहन आदेशा आपुहामी र करन केसीले समान २ विकेट लिए । कप्तान पारस खड्का, बसन्त रेग्मी र अविनास कर्णले विकेट लिए ।
विराटनगर समूहको शीर्षस्थानमा तथा भैरहवा दोस्रो स्थानमा रहँदै क्वालिफायरमा पुग्न सफल भएको थियो ।
६२ रन बनाएका बाबर हायत खेलको म्यान अफ दि म्याच घोषित भए । उनले १० रुपैया प्राप्त गरे ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]