मुम्बई (एजेन्सी)– सबै क्षेत्रमा उच्च प्रदर्शन गरेपछि भारतले आन श्रीलंकालाई तेस्रो टि ट्वान्टी क्रिकेटमा ५ विकेटले हराएको थियो । यसअघि नै श्रृखंला जितेको भारतले तीन खेलमा क्लिन स्विप गरेको छ । भारतले यसअघि टेस्ट र एक दिवसिय क्रिकेटमा पनि श्रीलंकालाई हराइसकेको थियो ।

वाङखडे मैदानमा भारतीय बलरहरुले उच्च प्रदर्शन गरेपछि टस हारेर पहिले ब्याटिङको निमन्त्रणा पाएको श्रीलंकाले २० ओभरमा ७ विकेटको क्षतिमा १ सय ३५ रन बनाएको थियो । जवाफमा भारतले ४ बलअघि ५ विकेट गुमाउँदै १ सय ३९ रन जोेको थियो ।

 भारतका पूर्व कप्तान महेन्द्रसिंह धोनी र दीेनेश कार्तिक अविजित रहे । धोनीले १० बलमा २ चौकाको मद्दतमा १६ तथा कार्तिकले १२ बलमा १ छक्कासहित १८ रन बनाएका थिए । त्यसअघि मनिष पाण्डेले ३२ बलमा १ चौका र १ छक्काको मद्दतमा टोलीका लागि सर्वाधिक ३२ रन जोडे ।

अघिल्लो खेलमा ३५ बलमा शतक बनाएका कप्तान रोहित शर्माले २७ रन बनाए । श्रीलंकाका दुश्मन्था चामेरा र दुसन सनाकाले समान २ विकेट लिए । त्यसअघि श्रीलंकाका लागि एसेला गुनारत्नेले ३६ रन बनाएका थिए भने दुसनले अविजित २९ रन जोडेका थिए ।

भारतका जय देव उनडकट, हार्दिकले समान २ तथा डेब्यू गरेका वासिङ्टन सुन्दर र कुलदीप यादवले समान १ विकेट लिए । भारतका जय देव प्लेयर अफ दी म्याच र प्लेयर अफ दी सिरिज घोषित भए ।

डिसेम्बर २५ , ८:०३ मा सच्चाइएको