चितवन टाइगर्स ३ विकेटले पराजित

काठमाडौं (हाम्रो खेलकुद)– काठमाडौं किङ्स इलाभेन टीभिएस एभरेष्ट प्रिमियर लिग (इपिएल) टि–ट्वान्टी क्रिकेट प्रतियोगिताकमा पहिलो जित हासिल गरेको छ । सुरुवाती दुई खेल गुमाएको काठमाडौं किङ्सले आज चितवन टाइगर्सलाई ३ विकेटले पराजित गर्दै प्रतियोगितामा पहिलो जित निकालेको हो ।

काठमाडौं पहिलो खेलमा ललितपुर प्याट्रियट्स र भैरहवा ग्ल्याडियटर्ससँग पराजित भएको थियो । चितवनले दिएको १ सय ४३ रनको लक्ष्य काठमाडौंले १९.२ ओभरमा ७ विकेट गुमाएर पुरा ग¥यो । काठमाडौंका लागि कप्तान फरवेज महारुफले ३९ रन बनाए ।

ओपनर अमित श्रेष्ठले ३८ रनमा आउट भए । सागर कुमार २३ रनमा आउट भए । सिद्धान्त लोहनी १२ रनमा रन आउट भए । ओपनर सागर पुन ५, राजु रिजाल ४ रन र सोमपाल कामी २ रन जोडे । अमरसिंह राउटेला ५ र अक्षु फर्नान्डो ४ रनमा अविजित रहे । चितवनका प्रविन गुप्ताले २ विकेट लिए । कप्तान दीपेन्द्र सिंह ऐरी, साहव आलम र प्रविन कुमारले समान १ विकेट लिए ।

त्यसअघि टस हारेर पहिले ब्याटिङ गरेको चितवनले पुरै ओभर खेल्दै ७ विकेट गुमाएर १ सय ४२ रन बनाएको थियो । चितवनका लागि ओपनर दीलिप नाथले सर्वाधिक ४६ रनको बनाए । सावेज खान २७ रनमा आउट भए । योगेन्द्र सिंह कार्की १६ रनमा आउट भए । कमल सिंह ऐरी १२ तथा प्रमेश कुमार ९ रनमा नटआउट रहे । कप्तान दीपेन्द्रसिंह ऐरी ९ रनमा आउट भए ।

सन्दिप सुनार ५ तथा अनिल मण्डल २ रनमा आउट भए । काठमाडौंका कप्तान फरवेज महारुफले ३ विकेट लिए । सोमपाल कामी, सागर पुन, अमरसिंह राउटेला र विक्रम भुसालले विकेट लिए । काठमाडौंका परवेज म्यान अफ दी म्याच घोषित भए । प्रतियोगिता अन्र्तगत शुक्रबार २ खेल हुनेछन् । पहिलो खेलमा पोखरा राइनोज र काठमाडौं किङ्स इलाभेन तथा अर्को खेलमा खेलमा चितवन टाइगर्स र विराटनगर वारियर्सबीच प्रतिस्पर्धा हुनेछ ।