काठमाडौंको लगातार दोस्रो हार
काठमाडौं (हाम्रो खेलकुद)– भैंरहवा ग्ल्याडियटर्सले टीभिएस एभरेष्ट प्रिमियर लिग (इपिएल) टि ट्वान्टी क्रिकेट प्रतियोगितामा विजयी सुरुवात गरेको छ । काठमाडौं किङ्स इलाभेनलाई आज ७ विकेटले हराउँदै भैरहवाले प्रतियोगितामा विजयी सुरुवात गरेको हो । भैरहवाले आफ्नो पहिलो खेल जित्दा काठमाडौंले भने लगातार दोस्रो खेलमा हार बेहोरेको छ ।

काठमाडौंले दिएको १ सय १८ रनको लक्ष्य भैरहवाले १६.२ ओभरमा ३ विकेट गुमाएर पुरा ग¥यो । भैरहवाका लागि पुनित विष्टले सर्वाधिक ४२ रनको अविजित रनको योगदान दिए । आरिफ शेख २३ रनमा नटआउट रहे । कप्तान शरद भेषवाकर ३२ रनमा आउट भए ।

पुनित र आरिफले चौथो विकेटका लागि ३७ रनको साझेदारी गरे । ओपनर हरिशंकर शाह १४ रन बनाउँदा ओपनर प्रदिप ऐरी २ रनमा आउट भए । काठमाडौंका सोमपाल कामी र सुशिल कंडेलले समान १ विकेट लिए ।

त्यसअघि टस जितेर पहिले ब्याटिङ गरेको काठमाडौंले निर्धारित २० ओभरमा ८ विकेट गुमाएर १ सय १९ रनको मध्यमा योगफल तयार पारेको थियो । काठमाडौंका लागि ओपनर अमित श्रेष्ठले २९ रन बनाए ।

सागर कुमार २८, राजु रिजाल २२ र सागर पुन १५ रनमा आउट हुँदा अन्य ब्याट्सम्यानले राम्रो खेल्न सकेनन् ।

भैरहवाका लागि दिपेश श्रेष्ठले ३ विकेट लिए । कप्तान शरद भेषवाकरले २ तथा आरिफ शेख र पुनित मेहराले समान १ विकेट लिए ।

प्रतियोगिता अन्र्तगत बिहिबार दुई खेल हुनेछन् । पहिलो खेलमा ललितपुर प्याट्रियट्स र भैरहवा ग्ल्याडिएटर्स तथा दोस्रो खेलमा चितवन टाइगर्स र काठमाडौं किङ्स इलाभेनबीच प्रतिस्पर्धा हुनेछ ।