काठमाडौं (हाम्रो खेलकुद)– नेपालले थाइल्यान्डमा जारी एसिसी यू १६ इस्टर्न रिजन क्रिकेट प्रतियोगिता समूह चरणको अन्तिम खेल ३ सय ३७ रनको फराकिलो जित हासिल गरेको हो ।

३ सय ५० रनको लक्ष्य पछ्याएको म्यानमारलाई नेपाली युवा टोलीका बलरले ११.३ ओभरमा अलआउट गर्दै १३ रनमा सिमित पारेको थियो । यस जितसँगै नेपाल सेमिफ़ाइनलमा पनि प्रवेश गरेको छ । सेमिफ़ाइनलमा नेपालले शनिबार मलेसियाको सामना गर्ने छ ।

जान्नुहोस् यस खेलका केही रोचक तथ्यहरु: 

ब्याटिङ्गतर्फ़

नेपालले १० रन प्रति ओभरको दरले रन बटुल्दै ३५ ओभरमा ३५० रन जोडेको थियो ।

नेपालका लागि मध्यक्रमका ब्याट्सम्यान रित गौतमले १०६ रन बनाए ।

७८ बलमा १०६ रन बनाएका रितको १४२ को स्ट्राइक रेट थियो ।

रितले आफ्नो पारीमा १२ चौका प्रहार गरे भने उनको पारीमा कुनै छक्का भने सामेल थिएन ।

चौथो विकेटका लागि रित र त्रित राज दासले ९९ रन जोडेका थिए ।

त्रितले २९ बलमा ६४ रन जोडेका थिए । ७ छक्का र ३ चौकासहित त्रितको स्ट्राइक रेट २२० को थियो ।

छैठौं विकेटका लागि रित र प्रतिस जीसीले अवजित ११२ रनको साझेदारी गरेका थिए ।

३१ बलमा ६३ रन जोड्दै प्रतिसको स्ट्राइक रेट २ सय ३ को थियो ।

बलिङतर्फ

म्यानमारका ७ जना खेलाडिले रनको खातै खोलेनन् ।

दशौं स्थानमा आएका हिन अङले १८ बलमा ३ रन जोड्दै म्यानमारका लागि सर्वाधिक योग्दान गरे ।

नेपालले ६ वाइड फालेको थियो ।

नेपालका बलर नारायण जोशीले ३ ओभरमा १ रन दिँदै ४ विकेट लिए ।

नेपालका अर्का बलर मेख बहादुरसेन थापाले ३ ओभरमा ४ विकेट दिँदै ४ विकेट लिए ।

म्यानमार १३ रनमै आउट हुन पुग्यो । म्यानमारले बलिङ गर्दा नै १४ रन वाइड फालेको थियो ।