श्रीलंकासँग भारत ७ विकेटले पराजित

धर्मशाला (एजेन्सी)– श्रीलंकाले पहिलो एक दिवसिय क्रिकेटमा भारतलाई ७ विकेटले पराजित गरेको छ । १ सय १३ रनको लक्ष्य पछ्याएको श्रीलंकाले २०.४ ओभरमा ३ विकेट गुमाउँदै १ सय १४ रन जोडेको थियो । श्रीलंका लागि जित दिलाउन उपुल थारगांले सर्वाधिक ४९ रन जोडे ।

त्यस्तै एन्जेलो म्याथुले अविजित २५ र निरोशन डिकवेलाले अविजित २६ रन बनाएका थिए । त्यसअघि टस हारेर पहिले ब्याटिङ गरेको भारतले कमजोर प्रदर्शन गर्दै १ सय १२ रनमा अलआउट भएको थियो । पूर्व कप्तान महेन्द्र सिंह धोनीले मात्र धर्यतापूर्वक ब्याटिङ गरेको खेलमा भारतले मुस्किलले सयको आँकडा पार गरेको थियो ।

एक समय ७ विकेटको क्षतिमा २९ रन मात्र जोड्न सकेको भारतका लागि धोनीले ६५ रनको महत्वपूर्ण योगदान गरेको थियो । भारती टोली ३८.२ ओभरमा अलआउट भएको थियो । धोनीले ८७ बल खेल्दै १० चौका र २ छक्का प्रहार गरे । कुलदिप यादवले १९ र हार्दिक पाण्डेयले १० रन जोडे ।

अन्य कुनै पनि ब्याट्सम्यानले दोहोरो अंकमा रन बनाउन सकेनन् । कप्तानको समेत जिम्मेवारी निर्वाह गरेका ओपनर रोहित शर्माले २ रन बनाउँदा अर्का ओपनर शिखर धवनले रनको खाता खोल्न सकेनन् । भ्रमणकारी टोलीका लागि सुरंगा लकमालले ४ विकेट लिएका थिए ।

श्रीलंकासँग भारत ७ विकेटले पराजित

Latest News

Popular News

क्रिकेट

नेपाल अभ्यास खेलमा पराजित

नेपालले पायो मध्यम लक्ष्य

दीपेन्द्र र कुशलले पहिलो खेलमा मौका पाएनन्

चर्चित खेलहरु:

उपयोगी लिङ्कहरू

सम्पर्क

सामाजिक संजाल