7 years ago
December 8, 2017
काठमाडौं (हाम्रो खेलकुद) – जारी आइसिसी विश्व क्रिकेट लिग च्याम्पियनसिपको खेलमा नेपाल संयुक्त अरब इमिरेट्स (युएई) सँग ६३ रनले पराजित भएको हो । युएईले दिएको १ सय ९६ रनको लक्ष्य पछ्याउँदै नेपाल ४२.२ ओभरमा १३२ रनमै अल-अाउट हुन पुग्यो ।
तस्बिर: रमन सिवाकोटी (टेक्निकल एनलिस्ट, नेपाल क्रिकेट टिम)
नेपालका लागि ज्ञानेन्द्र मल्लले सर्वाधिक ४२ रनको पारी खेले । त्यस्तै विनोद भण्डारीले २५ तथा सागर पुनले २१ रन जोडे । अन्य ब्याट्सम्यानले भने महत्त्वपूर्ण योगदान दिन सकेनन् ।
भरपर्दा ब्याट्सम्यान शरद भेषवाकर ९ र कप्तान पारस खड्का १० रनमा तथा दिलिप नाथ, वसन्त रेग्मी, सन्दिप लामिछाने र सोमपाल कामी खातै नखोली पभेलियन फर्केका थिए । युएईका लागि अम्जद जाभेदले ३ तथा मोहम्मद नाभेद, रोहन मुस्ताफा र इम्रान हैदरले दुई-दुई विकेट लिएका थिए ।
यसअघि टस हारेर पहिले ब्याटिङको निम्तो पाएको युएईले ४९.२ ओभरमा अल-आउट हुँदै १ सय ९५ रन बनाएको थियो । युएईका लागि मिडल-अर्डरका ब्याट्सम्यान अद्नान मुफ्तिले ८९ बल खेल्दै १ सय ४ रन जोडेका थिए । उनको शतकीय पारीमा ८ चौका र ३ छक्का पनि सामेल थियो । त्यस्तै मोहम्मद बुताले ७२ बलमा ३७ रन बनाए भने अन्य युएईका ब्याट्सम्यानले प्रभावकारी ब्याटिङ गर्न सकेका थिएनन् ।
युएईलाई सस्तैमा रोक्न सोमपाल कामीले ५ विकेट लिएका थिए । सोमपालले १० ओभरमा केवल २७ रन खर्चिँदै निकै राम्रो बलिङ गरेका थिए । त्यस्तै ललित भण्डारी, पारस खड्का, सागर पुन र सन्दिप लामिछानले एकएक विकेट हात पारेका थिए ।
नेपाल र युएई यसअघि नै डिभिजन २ मा घटुवा भइसकेका हुन् । अब विश्व कपमा छनोट हुने नेपालको सम्भावनाका लागि एउटा मात्र विकल्प रहेको छ । जसका लागि नेपालले फेब्रुअरीमा डिभिजन २ खेल्नेछ ।
नामिवियामा हुने डिभिजन टुमा नेपालसहित युएई, नामिबिया, केन्या, ओमन र क्यानाडाले प्रतिस्पर्धा गर्नेछ । यी ६ वटा टिम मध्ये शीर्ष दुई मा पर्ने टिम विश्वकप छनोटमा प्रवेश गर्नेछन् ।
March 17, 2025
काठमाडौं(हाम्रो खेलकुद) – ललितनारायण राजवंशीको ६ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]
