दीपेन्द्रको स्थानमा अनिलले खेल्ने

काठमाडौं (हाम्रो खेलकुद) – यू–१९ राष्ट्रिय क्रिकेट टिमका कप्तान दीपेन्द्र सिंह ऐरीले युएईंविरुद्धको आइसीसी विश्व क्रिकेट लिग च्याम्पियनसिपको दोस्रो खेल पनि गुमाउने भएको छ ।

दुवईंमा अभ्यासका क्रममा दीपेन्द्रले चोट बोक्दा युएईंविरुद्ध बुधबार भएको पहिलो खेल गुमाएको थियो । चोट पूर्ण रुपमा ठीक नभइसकेकाले शुक्रबार हुने खेल पनि गुमाउने राष्ट्रिय क्रिकेट टिमका टेक्निकल एनलिष्ट रमन शिवाकोटीले जानकारी गराए । अब उनको स्थानमा वैकल्पिक तथा रिजर्भ खेलाडी अनिल कुमार शाहले खेल्नेछन् ।
अनिसँगै कुशल भुर्तेल पनि वैकल्पिक खेलाडीको रुपमा दुवईं भ्रमणमा छ ।

नेपाल बुधबार युएईंसँग ७ विकेटले पराजित भएको थियो । शेख जायद क्रिकेट रंगशालामा नेपालले भोलि युएइंसँग दोस्रो तथा च्याम्पिनसिपको अन्तिम खेल खेल्दैछ । खेल नेपाली समयअनुसार ११ बजेर १५ मिनेटमा खेल सुरु हुनेछ ।

यो खेललाई दुवै टोली (नेपाल र युएर्इं)ं ले आगमी फेब्रुअरीमा नामिवियामा हुने आईसीसी विश्व क्रिकेट लिग डिभिजन २ प्रतियोगिताका लागि तयारीको रुपमा लिएको छ ।
नामिवियामा हुने डिभिजन टुमा नेपालसहित युएई, नामिबिया, केन्या, ओमन र क्यानाडाले प्रतिस्पर्धा गर्नेछ । यी ६ वटा टिम मध्ये शीर्ष दुई मा पर्ने टिम विश्वकप छनोटमा प्रवेश गर्नेछन् ।

आईसीसी विश्व क्रिकेट लिग च्याम्पियनसिपबाट नेदरल्याण्ड, स्कटल्याण्ड, पपुवा न्युगिनी र हङकङ भने विश्वकप छनोटमा प्रवेश गरिसकेका छन् ।