7 years ago
December 1, 2017
काठमाडौं (हाम्रो खेलकुद) – क्रिएटिभ ह्याण्डसले नेपाली राष्ट्रिय क्रिकेट टोलीका सदस्य महेश क्षेत्रीलाई नेपालगञ्ज स्पोर्टस अनरले सम्मानित गरेको छ । आयोजक क्रिएटिभ ह्याण्डस्ले शुक्रबार राजधानीमा एक कार्यक्रमको आयोजना गर्दै क्षेत्रीलाई स्कुटरसहित सम्मान गरेको हो ।
क्षेत्रीलाई राष्ट्रिय खेलकुद परिषद्का सदस्यसचिव केशबकुमार विष्टले स्कुटरको साँचो हस्तान्तरण गरे । सम्मानित खेलाडी क्षेत्रीलाई बधाई दिँदै राखेपका सदस्यसचिव बिष्टले क्रियटिभ ह्याण्डसको प्रयास सह्रानिय रहेको बताउँदै यसले निरन्तरता पाउने विश्वास व्यक्त गरे ।
सम्मानित खेलाडी महेश क्षेत्रीले सम्मानित हुन पाउँदा खुशी व्यक्त गर्दै यस्ता किसिमका सम्मानहरुले खेलाडीलाई हौसला प्रदान गर्ने बताए । उनलाई यो सम्मानले अझै मोटिभेट भएको र आगमी दिनमा अझै राम्रो प्रदर्शन गर्ने बताए ।
क्रिएटिभ ह्याण्डस्का अध्यक्ष टीएस ठकुरीले यसअघि आफूहरुले नेपाली महिला क्रिकेट टोलीकी कप्तान नेरी थापालाई सम्मान गरेको स्मरण गर्दै महेशसँगै आगामी दिनमा पनि खेलाडी सम्मान कार्यक्रमलाई निरन्तरता दिने बताए ।
मध्यपश्चिममा रहेका युवा सञ्चारकर्मीहरुको समूह क्रियटिभ ह्याण्डस्ले यसअघि नेपालगञ्ज म्याराथन, नेपालगञ्ज लिटरेचर फेस्टिभल, पीएम कप, भलिबल कप लगायतका कार्यक्रम गर्दै आएको छ ।
महेशले सन् २००२ मा यू–१५ क्रिकेट खेलेका थिए भने सन् २००५ मा एसीसी ट्रफी खेलेका थिए । उनले सन् २००६ मा श्रीलंकाविरुद्ध खेल्दै राष्ट्रिय टिममा डेब्यु गरेका थिए ।
कार्यक्रममा नेपाल खेलकुद पत्रकार मञ्च अध्यक्ष महेश आचार्य, पूर्वअध्यक्ष अजय फुयाल, राष्ट्रिय तथा अन्तराष्ट्रिय खेलाडी संघका अध्यक्ष दीपक श्रेष्ठ, सशस्त्र प्रहरीका पूर्व महानिरिक्षक शैलेन्द्र श्रेष्ठ लगायतले क्षेत्रीलाई शुभकामना दिएका थिए ।
March 17, 2025
काठमाडौं(हाम्रो खेलकुद) – ललितनारायण राजवंशीको ६ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]
