काठमाडौं (हाम्रो खेलकुद) – संयुक्त अरब इमिरेट्स (युएई) विरुद्ध अर्को साता हुने विश्व क्रिकेट लिग च्याम्पियनसिपका अन्तिम दुई खेलका लागि नेपाली टोली आज त्यसतर्फ जाँदैछ । पारस खड्काको कप्तानीमा १४ सदस्यीय नेपाली क्रिकेट टोलीको दुई दिनअघि घोषणा भएको थियो ।

युएईसँग उत्रनुअघि नेपालले दुईवटा अभ्यास खेल खेल्नेछ । नेपालले शुक्रबार अमेरिका र त्यसपछि आइतबार केन्यासँग खेल्नेछ । नेपाल र युइएबीच युएइमै मंसिर २० र २२ गते दुई खेल हुनेछ । । नेपाल र युएई दुवै डिभिजन २ मा घटुवा भइसकेका छन् ।

दोस्रो चरणमा मा रहेका २० खेलाडीबाट १४ बाहेक ४ वैकल्पिक खेलाडीका रुपमा रहेका छन् । वैकल्पिक मध्येका दुई खेलाडी अनिल कुमार साह र जितेन्द्र मुखिया पनि टोलीसँगै युएइ जाने बताइएको छ । च्याम्पियनसिपमा नेपाल ९ अंकसहित छैटौं र ६ अंकसहित युएई पुछारमा रहेको छ ।

नेपाली क्रिकेट टोली

१.पारस खड्का (कप्तान)
२.ज्ञानेन्द्र मल्ल (उपकप्तान)
३.शरद भेषावकर
४.विनोद भण्डारी
५.वसन्त रेग्मी
६.शक्ति गौचन
७.सोमपाल कामी
८.सागर पुन
९.करण केसी
१०.दिपेन्द्र सिंह ऐरी
११.सन्दिप लामिछाने
१२.दिलिप नाथ
१३.ललित भण्डारी
१४.आरिफ शेख

वैकल्पिक खेलाडी

१.अनिलकुमार साह
२.जितेन्द्र मुखिया
३.कुशल भुर्तेल
४.सिद्धान्त लोहनी