पोखरा (हाम्रो खेलकुद) – एभरेष्ट प्रिमियर लिग (इपिएल) टोली पोखरा राइनोजले एक स्थानिय खेलाडी छनोटका लागि पोखरामा ‘ट्यालेन्ट हन्ट’ सुरु गरेको छ । ट्यालेन्ट हन्टको पहिलो चरणमा कास्की र आसपासका जिल्लाका झन्डै १ खेलाडीको सहभागिा थियो । शनिबार दिनभर उनीहरुले पोखरा क्रिकेट मैदानमा ब्याटिङ, बलिङ र विकेट किपिङ गरे ।

त्यसमध्येबाट बन्द प्रशिक्षका लागि ७ खेलाडी छनोट भएको पोखरा राइनोजका व्यवस्थापक सुदिन मानन्धरले जानकारी दिए । त्यसमा मेख वहादुर सेन, प्रकाश खनाल, विजयन विष्ट, दिपक गुरुङ, कुशल मल्ल, सुमन गुरुङ र देव शाह छन् । सोहिल कुवंर र सृष्टी लौडारीले विशेष प्रवेश पाएका छन् भने किरण पौडेल र विश्वास पराजुली वैकल्पिक खेलाडीका रुपमा राखिएको छ ।

यीहरु मध्येबाट १ खेलाडी पोखरा राइनोजका लागि अन्तिम छनोटमा पर्ने व्यवस्थापक मानन्धरले बताए । स्थानिय प्रतिभावान खेलाडीका लागि यो एउटा अवसरका रुपमा सहभागी गराउन लागिएको पोखरा राइनोजका मार्की खेलाडी शक्ति गौचनलेब ताए । शक्तिका अनुसार छनोटमा परेका खेलाडीलाई झन्डै दुई साता प्रशिक्षणमा राखिनेछ ।

ट्यालेन्ट हन्ट कार्यक्रमको सुरुवातगर्दै पोखरा लेखनाथ महानगर पालिका मेयर मानवहादुर जिसीले पोखरामाअन्तराष्ट्रिय स्तरको क्रिकेट मैदान निर्माण गर्न यस्ता खेलहरु आयोजना हुँदै जानु पर्नेमा जोड दिए । पोखरा राइनोजसहित काठमाडौं किङ्स इलाभेन, ललितपुर प्याट्रिओट्स,चितवन टाइगर्स, विराटनगर वारियर्स र भैरहवा ग्लाडियटरर्सले इपिएलमा प्रतिस्पर्धा गर्नेछन् । प्रतियोगिताको विजेताले उपाधिसहित २१ लाख रुपैयाँ प्राप्त गर्नेछ ।