काठमाडौं (हाम्रो खेलकुद) – साविक विजेता सेन्चुरी बैंक र आइसिएफसी फाइनान्सले सेन्चुरी बैंक कर्पोरेट सुपर सिक्सेस क्रिकेट प्रतियोगिताको पहिलो दिन मंगलबार दोहोरो जित हासिल गरेको छन् । कीर्तिपुरस्थित त्रिवि क्रिकेट मैदानमा भएको खेलमा सेन्चुरी बैंकले सेन्चुरी बैंकले आफ्नो पहिलो खेलमा पहिलो खेलमा माछापुच्छ्रे बैंकलाई ५ विकेटले तथा दोस्रो खेलमा अन्नपूर्ण मिडिया नेटवर्कलाई ६५ रनले हराएको थियो ।

टस जितेर पहिले ब्याटिङ गरेको माछापुच्छ्रे बैंकले निर्धारित ५ ओभरमा १ विकेटको क्षतिमा ५१ रन बनायो । जवाफमा सेन्चुरीले १ विकेटको क्षतिमा ५२ रनको लक्ष्य पुरा ग¥यो । अर्को खेलमा अन्नपुर्ण मिडिया नेटवर्कलाई सेन्चुरी बैंकले ६५ रनले पराजित गरेको हो । सेन्चुरी बैंकले टस जितेर ब्याटिङ गर्दै विना विकेट १ सय १० रन बनायो ।

सेन्चुरी बैंकका लागि सुरज तिमल्सिनाले ३२ र दिवेश डंगोलले ३१ रन बनाए । जवाफमा अन्नपूर्णले निर्धारित ५ ओभरमा ३ विकेट गुमाएर ४५ रन मात्र बनाउन सक्यो । दोहोरो जित निकालेको सेन्चुरी बैंक ४ अंकसहित समूह ‘डी’ को शीर्ष स्थानमा छ । सेन्चुरी प्रि क्वार्टरफाइनलमा पुगेको छ ।
आइसिएफसी फाइनान्सले पनि दोहोरो जित दर्ता गरेको छ । पहिलो खेलमा आईएमई ग्रुपलाई ६१ रन र अर्को खेलमा नेपाल टेलिकमलाई २३ रनले पराजित गरेको थियो । टस जितेर पहिले ब्याटिङ गर्दै आइसिएफसी निर्धारित ५ ओभरमा ८९ रन बनायो । आईएमईले सबै विकेट गुमाएर २८ रन मात्र बनाउन सक्यो ।

आइसिएफसी फाइनान्स ४ अंकसहित समूह ‘सी’ को शीर्ष स्थानमा छ । दोहोरो जितसँगै आइसिएफसी अघिल्लो चरणमा पुगेको छ । आज अन्य खेलमा नबिल बैंक, कैलाश विकास बैंक र सुनवी डिजाइन स्टुडियोले पनि सफलता हात पारे । प्रतियोगितामा बुधबार समूह चरणका ९ खेल हुने बताइएको छ ।