7 years ago
October 25, 2017
काठमाडौं (हाम्रो खेलकुद)– काठमाडौं जिल्ला क्रिकेट संघको साधारण सभाले दिवाकर घलेको अध्यक्षतामा १५ सदस्यीय कार्य समिति बुधबार निर्विरोध चयन गरेको छ । सदस्यका तीन जना आकांक्षीले उम्मेदवारी फिर्ता गरेपछि कार्यसमिति निर्विरोध चुनिएको थियो ।
महाविर क्लबका घले यसअघि दुई पटक जिल्लाको अध्यक्ष रहि सकेका छन् । चार वर्षे कार्यकालका लागि केकेएमका विनय सिंह प्रधान उपाध्यक्ष, राष्ट्रिय महिला क्रिकेट टोलीका पूर्व प्रशिक्षक राजु बस्न्यात सचिव र महेश्वर श्रेष्ठको कोषाध्यक्षमा निर्वाचित भए ।
जिल्ला संघका सदस्य र क्लबका प्रतिनिधि गरि ३८ जनाको सहभागिता रहेको साधारण सभाले त्यस्तै मनीष ढुंगेल, कलाम अली, विजितध्यवज चन्द, दीपेश पौडेल, विजयकुमार शर्मा सदस्य चयन गर्यो । अन्य सदस्यमा शैलेश कर्माचार्य, सचिन तिमल्सेना, रितेश डंगोल, रमन श्रेष्ठ, अजयवीर पाण्डे र महेश्वरी डंगोल सदस्य चयन भए ।
श्यामसंग जंग थापा, वसन्तराज अर्यालय (अरुण) र पुकार पन्तले सदस्यबाट उम्मेदवारी फिर्ता लिएका थिए । निर्वाचित कार्यसमितिलाई प्रमुख निर्वाचन अधिकृत उद्धव केसीले प्रमाणपत्र प्रदान गरेका थिए ।
अन्तर्राष्ट्रिय क्रिकेट परिषद् (आइसिसी) बाट निलम्बनमा रहेको नेपाल क्रिकेट संघ (क्यान) को संसोधित विधान अनुसार निर्वाचन भएको थियो । दुई वर्षअघि भएको जिल्ला कार्यसमितिलाई स्वतः तदर्थ मानेसँगै आज सम्मका लागि जिल्ला संघको निर्वाचन सक्न क्यानले निर्देशन दिएको थियो । जिल्ला संघको निर्वाचन सेको ६० दिन भित्र केन्द्रको निर्वाचन गरिसक्नु पर्ने क्यानको विधानमा उल्लेख छ ।
त्यसअघि राष्ट्रिय खेलकुद परिषद् (राखेप) का कोषाध्यक्ष सुरेन्द्र हमालले साधारण सभाको उद्घाटन गरेका थिए । नेपाल पत्रकार महासंघका पूर्व कोषाध्यक्ष हेमन्त काफ्ले, नेपाल खेलकुद पत्रकार मञ्चका महासचिव प्रकाश तिमल्सिना, नेपाल लोकतान्त्रिक खेलकुद संघका अध्यक्ष देवेन्द्र शेरचनले साधारण सभाको सफलताको कामना गरेका थिए ।
निर्वतमान सचिव सुदिप शर्माको प्रतिवेदन र कोषाध्यक्ष राजु बस्न्यातको आर्थिक प्रतिवेदनलाई साधारण सभाले सर्वसम्मले पास गरेको थियो ।
September 21, 2024
एजेन्सी – शुभमन गिल र रिषभ पन्तको शतक सहयोगमा भारतले बंगलादेशलाई पहिलो टेस्टको विशाल लक्ष्य दिएको छ । दुई टेस्ट सिरिजका लागि बंगलादेश टोली भारत भ्रमणमा छ । चेन्नईमा जारी टेस्टमा भारतले बंगलादेशलाई जितका लागि ५ सय १५ रनको लक्ष्य दिएको छ । दोस्रो इनिङमा भारतले ४ विकेटमा २ सय ८७ रन बनाउँदै इनिङ समाप्तीको […]
September 21, 2024
सुनिल न्यौपाने,स्याङ्जा स्याङ्जाको चापाकोट नगरपालिकामा यसै महिना वडा स्तरीय क्रिकेट प्रतियोगिता हुने भएको छ। चापाकोट नगरपालिकाको संरक्षण र श्री सामुदायिक बालचेतना सामुदायिक कार्यक्रम चापाकोट १० स्याङ्जाको आयोजनामा प्रतियोगितामा असोज १८ गते सुरु हुने बताइएको छ। प्रतियोगिताका संयोजक सागर पंगेनीले वडा भित्र सदभाव बढाउनुका साथमा क्रिकेट खेलको विकास र खेलप्रति आकर्षक प्रतियोगिता आयोजना गर्न लागेको बताए। चापाकोट ९ सुन्तलीटारस्थित […]
September 21, 2024
एजेन्सी – अफगानिस्तानले दक्षिण अफ्रिकाविरुद्ध ओडिआई सिरिजमा एतिहासिक सफलता हासिल गरेको छ । अफगानिस्तानले शुक्रवार दोस्रो ओडिआई १ सय ७७ रनको जित निकालेसँगै एक खेलअघि नै सिरिजमा कब्जा जमाएको छ । पहिलो खेल अफगानिस्तानले ६ विकेटले जितेको थियो । दक्षिण अफ्रिका विरुद्ध अफगानिस्तानको त्यो पहिलो जित थियो । अफगानिस्तानले दक्षिण अफ्रिकाविरुद्ध सिरिज जितेको यो पहिलो […]
