दुबई (एजेन्सी)– एक दिवसिय अन्तर्राष्ट्रिय क्रिकेटमा बाबर आजमले कीर्तिमान बनाएको खेलमा सोमबार पाकिस्तानले श्रीलंकालाई ३२ रनले हराएको छ । पहिलो खेल दिवसिय पनि जितेको पाकिस्तानले बाबरको शतकबाट प्रेरित खेलमा सफलता हात पारेसँगै ५ एक दिवसिय श्रृखंलामा २–० को अग्रता लिएको छ ।

दिवा रात्री खेलमा १ सय ३३ बल १ सय १ रन बनाएका बाबर एउटै देशविरुद्ध एक दिवसिय क्रिकेटमा लगातार पाँच शतक बनाउने पहिलो खेलाडी बनेका छन् । बाबरलाई सादब खानले अर्धशतक शकत बनाउँदै साथ दिएका थिए ।

सादबले अविजित ५२ रन बनाएपछि पाकिस्तानले निर्धारित ५० ओभरमा ९ विकेटको क्षतिमा २ सय १९ रनको सामान्य स्कोर खडा गरेको थियो । तर जवाफमा ४८ ओभरमा सबै विकेट गुमाएर १ सय ८७ रन मात्र बनाउ सक्यो ।

श्रीलंकाका लागि उपुल थारंगाले पनि उच्च प्रदर्शन गरे । थारंगाले अविजित १ सय १२ रन बनाएपनि  टोलीका लागि उनको प्रदर्शन पर्याप्त रहेन । पहिले ब्याटिङ गरेको पाकिस्तानको सुरुआत भने राम्रो हुन सकेन ।

फाखर जामन ११, अहमद सेहजाद ८ र मोहम्मद हाफिज ८ छिट्टै आउट हुँदा पाकिस्तानले ३ विकेटको नोक्सानीमा ४० रन मात्र बनाउ सकेको थियो । सोहेब मलिक ११, सरफराज अहमले ५ र इमाद वसिमले १० रन बनाएका थिए ।

तर बाबर र सादबले सातौं विकेटका लागि १ सय ९ रनको साझेदारी गरेपछि पाकिस्तानले २ सय रन कटाएको थियो । सातौं विकेटका लागि त्यो पाकिस्तानको चौथो ठूलो साझेदारी हो ।

श्रीलंकाका लागि थारंगशासँग जाफरी भान्डेर्सेले ७६ रनको साझेदारी गरेका थिए । जाफरीले २२ रन बनाए । म्यान अफ दी म्याच पाकिस्तानका सादबले ३ विकेट लिएका थिए ।