काठमाडौं (हाम्रो खेलकुद) – धनगढी क्रिकेट एकेडेमी (डिसिए) र सुदुरपश्चिमाञ्चल क्रिकेट एकेडेमी (एसपिए) को आयोजनामा हुने धनगढी प्रिमियर लिग (डिपिएल) को दोस्रो संस्करणको पुरस्कार राशिमा झण्डै दोब्बरले वृद्धि गर्दै डिपिएल–२ को घोषणा भएको छ ।

आयोजकले आइतबार पत्रकार सम्मेलनको आयोजना गर्दै दोस्रो संस्करणको प्रतियोगिता माघ पहिलो साताबाट शुरु गर्ने गरी डिपिएल–२ को घोषणा गरेको हो । यसपटक आयोजकले पुरस्कार राशिमा झण्डै दोब्बरले बृद्धि गरेको छ । दोस्रो संस्करणको विजेताले यसपटक २५ लाख रुपैया प्राप्त गर्नेछन् । जुन पहिलो संस्करणभन्दा १० लाखले बढी हो । यस्तै दोस्रो हुने टिमले १० लाख प्राप्त गर्नेछन् । जुन पहिलो संस्करणभन्दा ३ लाखले बढी हो । यस्तै तेस्रो र चौथो हुने टिमले क्रमशः ३ लाख र २ लाख प्राप्त गर्नेछन् । प्रत्येक खेलका म्यान अफ द म्याचले १० हजार तथा म्यान अफ द सिरिजले टीभीएस अपाचे १८० सीसीको मोटरसाइकल पाउनेछ । उत्कृष्ट ब्याटस्म्यान र बलरको पुरस्कार पनि दिइनेछ । कुल पुरस्कार राशी ५० लाख बराबर पुगेको छ । अघिल्लो वर्ष पुरस्कार राशिमा २८ लाख खर्च भएको थियो ।

यससँगै धनगढी प्रिमियर लिग देशको सर्वाधिक पुरस्कार राशिको टी–२० क्रिके प्रतियोगिता बनेको छ ।  डिपिएल–१ मा ६ सहरका ६ टिमले प्रतिस्प्र्धा गरेका थिए । यसपटक दुई टिम बढाएर आठ टिमबीच प्रतिस्पर्धा गराउने योजना रहेको धनगढी क्रिकेट एकेडेमीका अध्यक्ष सुवास बहादुर शाहीले पत्रकार सम्मेलनमा जानकारी गराए । डीपीएल १ मा टिम चौराहा धनगढी, सीवाईसी अत्तरिया, रुपन्देही च्यालेन्जर्स, कञ्चनपुर आइकोनिक, काठमाडौं गोल्डेन्स र विराटनगर किंग्स सहभागी थिए । फाइनलमा विराटनगरलाई हराएर धनगढी च्याम्पियन बनेको थियो ।

राष्ट्रिय तथा अन्तर्राष्ट्रिय प्रतियोगितामामा सहभागी १ पूर्वखेलाडीलाई ‘धनगढी क्रिकेट सम्मान’ तथा नेपाली क्रिकेटमा महत्वपूर्ण योगदान दिएका एक व्यक्तिलाई ‘अर्जुन खड्का स्मृति सम्मान’ स्वरुप १—१ लाख रुपैया“ प्रदान गरिने आयोजकले जनाएको छ । प्रतियोगितामा सहभागी हुने खेलाडीहरुले आफ्नो नाम धनगढी क्रिकेट एकेडेमीमा दर्ता गराउनुपर्नेछ । नाम दर्ता भएका खेलाडीहरुलाई अक्सनमा समावेश गरिनेछ । रुस्लान डीपीएल २ खेल्ने टिमहरुको घोषणा र अक्सन मंसिर पहिलो साता गरिने आयोजकले जनाएको छ ।

प्रतियोगिता टी–२० को आधारमा हुनेछ । लिग चरणमा प्रत्येक टिमले अरु टिमस“ग एक–एक खेल खेल्नेछन् । शीर्ष चार टोली प्ले–अफमा पुग्नेछन् । त्यसमा पहिलो र दोस्रो हुने टिमको विजेता फाइनलमा प्रवेश गर्नेछ । पराजित हुने टोलीले तेस्रो र चौथो हुने टिमस“गको विजेतास“ग फाइनल प्रवेशको लागि खेल्नेछ । प्रतियोगितामा लिग चरणमा .५०, प्ले—अफमा ७० र फाइनलमा १०० रुपैया टिकटदर तोकिएको छ ।  टिकट बिक्रीको २० प्रतिशत रकम फाप्ला अन्तर्राष्ट्रिय निर्माण अभियान (ड्रिम फाप्ला) लाई र ४० प्रतिशत सहभागी टिमलाई बा“डिने आयोजकले जनाएको छ ।

प्रतियोगिताको अनुमानित लागत करिब ३ करोड रुपैया“ रहेको छ ।  रुस्लान डिपिएल–२ धनगढीको अञ्चल प्रहरी मैदानमा सञ्चालन हुने र वैकल्पिक रुपमा फाप्ला क्रिकेट मैदानलाई तयार गरिने आयोजकले जनाएको छ ।

सिटी बेस कन्सेप्टमा आयोजना गरिएको डीपीएल दुई वर्षअघिसम्म सञ्चालन गरिएको एसपीए कप र धनगढी क्रिकेट लिग (डीसीएल) को मर्जर पनि थियो । एसपीए कपको सुरुवात सन् २०१० मा ४ लाख बजेटबाट शुरु भएको थियो ।

प्रतियोगिताको मुख्य प्रयोजक विजय डिस्टिलरीको रुस्लान क्रिकेट, सह प्रयोजक रैका टुर्स एण्ड ट्राभल्र्स, होटल डिभोटी, बेल्स क्याफे, चौधरी बुक डिपो, रहेका छन भने प्रबर्धकहरुमा नेपाल टुरिजम बोर्ड,  राष्ट्यि खेलकुद परिषद, धनगढी उपमहानगरपालिका, होटल व्यवसायी संघ कैलाली, जिल्ला विकास समिती कैलाली, क्रिकेट प्लेयर्स एशोसियसन नेपाल रहेका छन् ।