काठमाडौं (हाम्रो खेलकुद) – पोखरा क्रिकेट एकेडेमी ‘ए’ ले लक्ष्मी लाइटहाउस टि ट्वान्टी टेनिसबल क्रिकेट प्रतियोगिताको उपाधि जितेको छ । आज भएको फाइनलमा धौलागिरी क्रिकेट क्लब बाग्लुङलाई ६ विकेट हराउँदै पोखराले उपाधि जितेको हो ।

पोखराको अमरसिंह मैदानमा बाग्लुङले दिएको १ सय १२ रनको लक्ष्यलाई आयोजक पोखरा क्रिकेट एकेडेमीले ४ विकेट गुमाउँदै पुरा गरेका थियो । टोलीका लागि म्यान अफ दि म्याच रिजन प्रजुले ३८ रन जोडे । त्यस्तै अरुण अधिकारीले २३, विधान श्रेष्ठले १६ र सुदिप पौडेलले अविजित १७ रन बनाए । धावलागिरीका सन्तोष श्रेष्ठले २ विकेट, विजय विक र रुपेश सिंह समान १ विकेट लिए ।

त्यसअघि टस जितेर व्याटिङ गरेको धौलागिरीले २० ओभरमा ९ विकेटको क्षेतिमा १ सय ११ रन बनाएका थियो । रुपेश सिंहले २० बलमा ३४ रन बनाए । अनिष जिसीले २९ रन जोडे । पोखराका रिजन, आलम खानले समान २ तथा कप्तान चन्द्रकुमार गुरुङ, प्रदीप राउत र विनित श्रेष्ठले समान १ विकेट लिए ।

पोखराका विधान श्रेष्ठ म्याद अफ दी सिरिज, युनाइटेडका सन्जय राना उत्कृष्ट बलर, धौलागिरीका रुपेश सिंह उत्कृष्ट ब्याट्सम्यान घोषित भए । शान्ति टोल क्रिकेट क्लब इमर्जिङ क्लब चुनिए । पोखराले उपाधिसहित ६० हजार र धौलागिरीले ४० हजार रुपैयाँ प्राप्त गर्यो । प्रतियोगितामा १८ टोलीको सहभागिता थियो ।