7 years ago
September 16, 2017
काठमाडौं (हाम्रो खेलकुद) – नेपाल एसिसी यू १९ पूर्वी क्षेत्रको क्रिकेट प्रतियोगिताको फाइनलमा पुगेको छ । आयोजक मलेसियालाई १० विकेटले हराउँदै नेपाल उपाधि नजिक पुगेको हो । १ सय २२ रनको लक्ष्य पछ्याएको नेपालले २३.१ ओभरमा विना विकेटको क्षति जित हासिल गरेको हो ।
ओपनरद्वय अर्धशतक पुरा गरेपछि नेपालले सहज जित हासिल गरेको थियो । आसिफ शेखले ५० र सन्दीप सुनार ५१ रनमा अविजित रहे । ६५ बल खेलेका आसिफले ८ चौका र १ छक्का प्रहार गरे । त्यस्तै सन्दीपले ७७ बलमा ८ चौका प्रहार गरे । त्यसअघि नेपालले टस जितेर मलेसियालाई ब्याटिङको निम्तो दिएको थियो ।
नेपाली टोलीका कप्तान दीपेन्द्र सिंह ऐरीले कसिलो बलिङ गरेपछि मलेसियाले ४२ ओभरमा सबै विकेट गुमाएर १ सय २१ रन बनाएको थियो ।
नेपालका लागि सबैभन्दा सफल बलर दीपेन्द्र रहे । उनले ८ ओभरमा २९ रन खर्चदै ५ विकेट लिएका थिए । पवन सर्राफले २ तथा रोहित कुमार पौडेल, सहाब आलम र सन्दिप लामिछानेले समान १ विकेट लिएका थिए ।
मलेसियाका लागि ओपनर ब्याट्सम्यान नलिन डी सिल्भाले सर्वाधिक ३९ रन जोडे । बिरानदिप जगजित सिंहले २५, मोहम्मद शारियल अइजतले १६, अमर हजालनले १४ रन बनाए । अन्य ब्याट्सम्यानले दोहोरो अंकमा रन बनाउन सकेनन् ।
November 18, 2024
एजेन्सी – घरेलु टोली वेस्ट इण्डिज तथा इङ्ग्ल्याण्डबीचको पाँचौ टि ट्वान्टी आई बर्षाका कारण रद्द भएको छ । सोमवार बिहान हुनुपर्ने खेल बर्षाका कारण हुन नसकेको हो । अन्तिम खेल रद्द भएसँगै इङ्ग्ल्याण्डले ५ खेलको टि ट्वान्टी आई सिरिज ३-१ ले जित्यो । वेस्ट इण्डिजको ड्यारेन सामी नेशनल क्रिकेट स्टेडियममा टस हारेर ब्याटिङको निम्तो पाएको […]
November 18, 2024
काठमाडौं (हाम्रो खेलकुद) – काठमाडौं गुर्खाजले सिद्धार्थ बैंक नेपाल प्रिमियर लिग (एनपिएल) का लागि आइतवार आफ्नो जर्सी सार्वजनिक गरेको छ । काठमाडौं स्पोर्ट्स डेभलपमेन्ट भेन्चरको स्वामित्वमा रहेको काठमाडौं गुर्खाजको ‘मार्की’ खेलाडी करण केसी, टोली प्रवर्द्धक एवं पूर्वमिस नेपाल शृंखला खतिवडा र गुर्खाजका क्रिकेट एम्बासडर एवं नेपाली राष्ट्रिय महिला टोलीकी कप्तान इन्दु बर्माले जर्सी सार्वजनिक गरेका […]
November 17, 2024
धनगढी (हाम्रो खेलकुद)- सिद्धार्थ बैंक नेपाल प्रिमियर लिग (एनपिएल) फ्रेन्चाइज टोली सुदूरपश्चिम रोयल्सले आइतवार ट्यालेन्ट हन्ट सम्पन्न गरेको छ । धनगढी क्रिकेट एकेडेमीको मैदानमा ट्यालेन्ट हन्ट संचालन भएको थियो । एनपिएल खेल्ने आशाका साथ आफूमा रहेको क्षमता प्रस्फुटन गर्न प्रदेश भरका युवाहरुको ट्यालेन्ट हन्टमा उत्साहजनक सहभागिता रहेको थियो । नेपाल क्रिकेट संघ क्यान (क्यान) ले […]
