8 years ago
September 8, 2017
काठमाडौं (हाम्रो खेलकुद)– एभरेष्ट प्रिमियर लिग –इपिएल) का मालिक, शहर र मार्की खेलाडीको नाम सार्वजनिक गरिएको छ । आयोजक इपिएल प्रालिले शुक्रबार पत्रकार सम्मेलन गर्दै प्रतियोगितामा सहभागिता जनाउने शहर, मालिक र मार्की खेलाडीको नाम सार्वजनिक गरेको हो ।
पत्रकार सम्मेलनमा आयोजक इपिएपलका प्रमुख आमिर अख्तर र राष्ट्रिय क्रिकेट टोलीका प्रशिक्षक जगत टमाटा (बायाँ) । तस्बिर- विवेक सुवेदी/हाम्रो खेलकुद
डिसेम्बरमा हुने सर्वाधिक राशिको क्रिकेट प्रतियोगितामा ६ टोली काठमाडौं किङ्स इलाभेन, ललितपुर प्याट्रिओट्स, विराटनगर वारियर्स, भैरहवा ग्ल्याडियटर, पोखरा राइनोज र चितवन टाइगर्स रहेका छन् । काठमाडौं किङ्सका मालिकमा रोहित गुप्ता छन् । ललितपुर प्याट्रिओट्सका मालिक किशोर महर्जन, भैरहवा ग्ल्याडियटरका मालिक आदित्य सांघाइ, विराटनगर वारियर्सका मालिक विशाल अग्रवाल, पोखरा राइनोजका मालिक साहिल अग्रवाल र चितवन टाइगर्सका मालिक किशोर भट्टराई रहेका छन् ।
मार्की खेलाडी काठमाडौं किङ्स इलाभेनमा सोमपाल कामी, ललितपुर प्याट्रिओट्समा राष्ट्रिय टिमका उपकप्तान ज्ञानेन्द्र मल्ल, भैरहवा ग्ल्याडियटरमा शरद भेषवाकर, विराटनगर वारियर्समा राष्ट्रिय टिमका कप्तान पारस खड्का छन् । यस्तै पोखरा राइनोजको मार्की खेलाडीमा भेट्रान स्पिनर शक्ति गौचन तथा चितवन टाइगर्सको मार्की खेलाडीमा युवा ब्याट्सम्यान दीपेन्द्र ऐरी छन् ।
मार्की खेलाडीले पारिश्रमिकका रुपमा न्युनत्तम २ लाख रुपैयाँ पाउनेछन् । खेलाडीहरुको अक्सन विश्व क्रिकेट लिग च्याम्पियनसिप अन्र्तगत हङकङविरुद्धको खेलपछि गरिने इपिएलका संस्थापक आमिर अख्तरले जानकारी गराए ।
नेपाली राष्ट्रिय टिमका प्रशिक्षक जगत टमाटाले इपिएल नयाँ संरचनामा हुन लागेकोमा आयोजकलाई धन्यवाद व्यक्त गर्दै यस्ता खालका प्रतियोगिताले नेपाली क्रिकेट विकासमा सहयोग पुग्ने बताए । उनले पहिलो पटक मार्की खेलाडी बनेका युवा ब्याट्सम्यान दिपेन्द्र सिंह ऐरीको तारिफ गर्दै उनले यस प्रतियोगितामा आफुलाई प्रमाणित गर्ने विश्वास व्यक्त गरे ।
प्रतियोगितामा सहभागी टोलीले एक विदेशी अनिवार्य सहित १५ जना खेलाडी राख्न पाउने प्रावधान बनाएको छ । प्रत्येक टोलीमा १० जना खेलाडी अक्सनबाट छनोट हुने आयोजकले यसअघि नै घोषणा गरिसकेको थियो ।
इपिएलको अघिल्लो महिना मात्रै सर्वाधिक पुरस्कार राशी २१ लाख तथा प्रतियोगिताको लोगो सार्वजनिक गरिएको थियो । यस्तै एपिएलले एक साताअघि एपिवान टेलिभिजनसँग प्रसारण सम्बन्धी सम्झौतामा हस्ताक्षर गरेको थियो ।
March 19, 2025
काठमाडौं(हाम्रो खेलकुद) – प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगिताको इतिहासमा त्रिभुवन आर्मी क्लबविरुद्ध मधेश प्रदेशले पहिलो पटक जित हासिल गरेको छ । बुधवार भएको खेलमा मधेशले आर्मीलाई ३ विकेटले हराउँदै ऐतिहासिक जित हात पारेको हो । मधेशले आर्मीलाई समग्रमा दोस्रो पटक र पिएम कपमा पहिलो पटक हराएको हो । सन् २०२३ मा पोखरामा भएको […]
March 19, 2025
एजेन्सी – इण्डियन प्रिमियर लिग(आइपिएल) को आफ्नो पहिलो खेलमा नियमित कप्तान हार्दिक पाण्ड्याको अनुपस्थितीमा मुम्बई इन्डियन्सको कप्तानी सुर्यकुमार यादवले गर्ने भएका छन् । मुम्बईका मुख्य प्रशिक्षक महेला जयवर्धनेले बुधबार मुम्बईमा आयोजित पत्रकार सम्मेलनमा सुर्यकुमारले पहिलो खेलमा कप्तानी गर्ने बताएका हुन् । नियमित कप्तान हार्दिक पाण्ड्यालाई सन् २०२४ को आइपिएलको अन्तिम खेलमा स्लो ओभर रेटका कारण […]
March 19, 2025
काठमाडौं(हाम्रो खेलकुद) – सुदूरपश्चिम प्रदेशले प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा लुम्बिनी प्रदेशविरुद्ध जित हासिल गरेको छ । बुधवार भएको खेलमा सुदूरपश्चिमले ५ विकेटको जित हासिल गर्यो । लुम्बिनीले दिएको १ सय १७ रनको लक्ष्य सुदूरपश्चिमले ३१.१ ओभरमा ५ विकेट गुमाएर पूरा गर्यो । सुदूरपश्चिमको जितमा किरण कुमार ठगुन्नाले नट आउट रहँदै सर्वाधिक ४३ […]
