काठमाडौं (हाम्रो खेलकुद)- आइसीसी विश्व क्रिकेट लिग च्याम्पियनसिप अन्र्तगतको हङकङविरुद्धको खेलको लागि १८ सदस्यीय प्रारम्भिक नेपाली टिमको घोषणा भएको छ ।

बन्द प्रशिक्षणमा राखिएको २५ खेलाडीबाट हङकङविरुद्धको खेलको लागि पारस खड्काको कप्तानीमा १८ सदस्यीय प्रारम्भिक नेपाली टिमको घोषणा भएको हो । १८ सदस्यीय खेलाडीको नामबाट आइसीसीले अन्तिम १४ खेलाडीको छनोट गर्ने टेक्निकल एनलिष्ट रमन शिवाकोटीले जानकारी गराए । नेपाली टिमको छनोट राष्ट्रिय टिमका मुख्य प्रशिक्षक जगत टमाटा र कप्तान पारस खड्काल गरेका हुन् ।

अस्वस्थ्यका कारण २५ सदस्यीय टिमबाट नै बाहिरिएका भेट्रान स्पिनर शक्ति प्रसाद गौचनको स्थानमा बोलाइएको शाहव आलमले पनि अन्तिम १८ मा स्थान बनाउन सकेन् । यस्तै प्रधानमन्त्री कपमा उत्कृष्ट ब्याट्सम्यान बनेका सौरभ खनाल, अभिनाश कर्ण, विक्रम सोब, दिलीपनाथ, सुनिल धमला र हासिम अन्सारी टोलीमा पर्न सकेनन् ।
नेपालले आईसीसी विश्व क्रिकेट लिग च्याम्पियनसिपको छैठौ राउण्डमा हङकङसंग उसैको घरेलु मैदानमा अक्टोबर १३ र १५ तारिखमा खेल्दैछ ।

च्याम्पियनसिपमा नेपाल छैटौ स्थानमा रहेको छ । चौथो स्थानमा रहेको हङकङको १० खेलबाट ११ अंक छ । यता, नेपालको भने समान १० खेलबाट ४ खेलमा जित र ६ खेलमा पराजित भएको नेपालको ८ अंक छ ।
नेपालले अन्तिम ४ मा पर्दै विश्वकप छनोटमा स्थान बनाउनका लागि हङकङलाई पराजित गर्नै पर्नेहुन्छ । नेपालले हङकङपछि आफ्नो अन्तिम खेल युएईसँग खेल्नेछ ।

नेपाली टोली
१. पारस खड्का (कप्तान)
२. ज्ञानेन्द्र मल्ल (उपकप्तान)
३. शरद भेषवाकर
४. बसन्त रेग्मी
५. मेहबुव आलम
६.सोमपाल कामी
७. सागर पुन
८.विनोद भण्डारी
९. करन केसी
१०.जितेन्द्र कुमार मुखिया
११.सुशिल कँडेल
१२. कुशल भुर्तेल
१३. ललित भण्डारी
१४.सुसन भारी
१५.नरेश बहादुर बुढाऐर
१६.मोहम्मद आशिफ शेख
१७.दिपेन्द्र सिंह ऐरी
१८. सन्दिप लामिछाने