काठमाडौं (हाम्रो खेलकुद) – काठमाडौं क्रिकेट टेनिङ सेन्टर (केसीटिसी) र ग्रेटर हिमालयन क्रिकेट एकेडेमी काठमाडौंको टुडिखेलमा संचालन भैरहेको प्रथम गणेश बहादुर‒प्राणमाया चित्रकार स्मृति कप यू–१९ क्रिकेट प्रतियोगिताको क्वार्टरफाइनलमा प्रवेश गरेको छ ।

नेक्सस क्रिकेट एकेडेमीको आयोजनामा भैरहेको प्रतियोगितामा केसीटिसीले जेभिएर ईन्टरनेशनल कलेजलाई तथा गे्रटर हिमालयन क्रिकेट एकेडेमीले राईजिङ–११ लाई पराजित गर्दै अन्तिम आठमा प्रवेश गरेका हुन् । गणेश बहादुर प्राणमाया चित्रकार स्मृति कप अन्डर नाइन्टिन क्रिकेट केसीटिसीले जेभिएर ईन्टरनेशनल कलेजलाई ४ विकेटले पराजित गर्यो ।

केसीटिसीले टस जितेर फिल्डिङ रोज्दा ब्यटिङ गर्ने निम्तो पाएको जेभिएर ईन्टरनेशनल कलेजले निर्धारित २० ओभरको समाप्तिमा ९ विकेट गुमाउँदै ७९ रन बनाएको थियो । जेभिएर ईन्टरनेशनल कलेजका रबी शाहाले २४ रनको योगदान गरेका थिए । बलिङतर्फ रित गौतमले २ विकेट लिएका थिए । ८० रनको लक्ष्य पछ्याउदै ब्याटिङमा उत्रेको केसीटिसी १७.४ ओभरमा ६ विकेट गुमाउदै लक्ष्य भेट्टायो । केसीटिसीका बिश्वास श्रेष्ठले १३ रन बनाएका थिए । केसीटिसीका प्रतिक कान्तले ४ ओभरमा ११ रन खर्चिदै ४ वीकेट लिन सफल भएका थिए । उक्त खेलको म्यान अफ द म्याच केसीटिसीका प्रतिक कान्त घोषित भएका छन ।

आईतबार नै सम्पन्न भएको दास्रो खेलमा राईजिङ ११ लाई ४९ रनले पराजित गर्दै ग्रेटर हिमालयन क्रिकेट एकेडेमी क्वाटर फाइनलमा प्रवेश गरेको हो । टस हारेर पहिला व्यटिङ गरेको गे्रटर हिमालयन क्रिकेट एकेडेमीले निर्धारित २० ओभरको समाप्तिमा अलआउट हुदै १ सय ५ रन जोड्न सफल भएको थियो । जिएचसीएका रबिन्द्रजंग शाहीले सर्वाधिक ३० रन बनाए । बलिङतर्फ राईजिङ ११ का प्रकास सिंहले ३ विकेट लिएका थिए । जवाफी व्यटिङ गरेको राईजिङ ११ ले १७.२ ओभरमा अलआउट हुदै ५७ रनमा समेटिदा उक्त खेल गुमाएको थियो । राईजिङ ११ का रामेश्वर बिष्ट ११ रन बनाएका थिए । जिएचसीएका प्रदिप टन्डनले ३ विकेट लिए । उक्त खेलको जिएचसीएका प्रदिप टन्डन म्यान अफ द म्याच भएका थिए । १६ टिमले भाग लिएको प्रतियोगिता २४ गतेसम्म नकआउट आधारमा सञ्चालन भइरहेका छन् ।