काठमाडौं(हाम्रो खेलकुद) – नेक्सस क्रिकेट एकेडेमीको आयोजनामा गणेश बहादुर प्रानमाया चित्रकार स्मृति कप यु–१९ टी–२० क्रिकेट प्रतियोगिता हुने भएको छ ।

प्रतियोगिता काठमाडौंको टुडिखेलमा भदौ १६ गतेदेखि भदौं २४ गतेसम्म हुने आयोजकले बिहिबर पत्रकारसम्मेलन मार्फत जानकारी गरायो । यस्ता खालका प्रतियोगिताहरुले खेलाडीमा थप मनोल पुग्ने भएकाले पूर्व सभासद् तथा समाजसेवी रामकृष्ण चित्रकारको आफ्नो स्वर्गीय मातापिताको नाममा यस प्रतियोगिताको आयोजना गर्न लागिएको एकेडेमीका अध्यक्ष भरत कुमार शाहीले जानकारी गराए ।

प्रतियोगितामा १६ टिमको सहभागिता रहेको नेक्सस क्रिकेट एकेडेमीका अध्यक्ष भरत कुमार शाहीले जानकारी गराए । प्रतियोगिताको उद्घाटन खेलमा आयोजक नेक्सस र ओमेगा कलेजले प्रतिस्पर्धा गर्नेछन् । यस्तै अर्काे खेलमा केसीटिसी र र पुलिस स्कुल साँगाबीच खेल हुनेछ ।

नकआउटका आधारमा हुने प्रतियोगितामा सहभागी टिमलाई दुई समूहमा विभाजन गरिएको छ । समूह ‘ए’ मा एनसीए, ओमेगा, कलेज, क्यानन, क्लब, जिएजसीए बी, राइजिड, जिएजसीए ए, एकआइसी ए र केसीटीसी बी रहेका छन् । यस्तै समूह ‘बी’ मा नेपाल पुलिस स्कुल सागा, केसीटीसी ए, आयोजक नेक्सस, हिमालयन क्रिकेट एकेडेमी, एमडब्लुसीसी कोहलपुर, टिम टाइटन बुटवल, आरसीए र सगरमाथा क्रिकेट क्लब रहेका छन् । प्रतियोगिताको विजेताले टिमले ५० हजार र उपविजेताले २५ हजार रुपैयाँ पाउनेछ । प्रतियोगिताको म्यान अफ द सिरिज, उदयीमान खेलाडी, उत्कृष्ट वलर, ब्याटसम्यान र म्यान अफ द म्याचलाई पुरस्कृत गरिनेछ ।
प्रतिस्पर्धी टोलीहरुलाई दुई समूहमा बाडिएको छ। समुह ए मा एनसीए, ओमेगा, कलेज, क्यानन, क्लब, जिएजसीएबी, राइजिड, जिएजसीए ए, एकआइसी ए र केसीटीसी बी रहेको छन् ।

प्रतियोगितालाई डब्लुआरआई कन्सलटेन्सीले मुख्य प्रायोजन गरेको छ भने, राजश्री गुरुकुल स्कुलले प्रथम पुरस्कार तथा ललितपुर इन्जिनियररिङ कलेजले दोस्रो पुरस्कार प्रायोजन गरेको छ ।