कोलाम्बो (एजेन्सी)– दीर्घकालिन योजनाका लागि भारतीय टोली श्रीलंकाविरुद्धको चौथो एक दिवसिय क्रिकेटमा केही खेलाडीलाई मौका दिने सम्भावना छ । सन् २०१९ मा हुने विश्व कपलाइृ लक्षित गर्दै भारतले तयारी गरिरहेको छ ।

श्रीलंकाविरुद्धको पाँच एक दिवसिय अन्तर्राष्ट्रिय क्रिकेट श्रृखंलामा ३–० ले सहज अग्रता लिएको विराट कोहलीको भारतीय टोलीले आज हुने चौथो खेलमा टोली अन्य खेलाडीलाई मौका दिने सम्भावना छ । त्यसमा ३ सयौं एक दिवसिय खेल्ने क्रममा रहेका महेन्द्र सिंह भने हुनेछन् ।

टोली दबाबमा रहेकाबीच पूर्व कप्तान समेत रहेका धोनीले पछिल्लो दुई खेलमा अविजित रहँदै टोलीको जितमा महत्वपूर्ण भूमिका निर्वाह गरेका थिए । एक दिवसिय ३ सय खेल पुरा गर्ने धोनी छैटौं भारतीय खेलाडी बन्नेछन् । पछिल्ला दुई खेलमा लक्ष्य पछ्याएको भारतले बाँकी खेलाडीलाई मौका दिने सम्भावना छ ।

अजिन्के राहाने र पछिल्लो पटक अक्टोबरमा एक दिवसिय खेलेका मनीष पाण्डेले मौका पाउने सम्भावना छ । बलिङमा कुलदिप यावदले पनि आज खेल्ने सम्भावना छ । कोहली र प्रशिक्षक रवि शात्रीले अस्ट्रेलियाविरुद्ध घरेलु मैदानमा सेप्टेम्बर १७ बाट सुरु हुने एक दिवसिय र टि ट्वान्टी क्रिकेटमा भने टोलीमा परिवर्तन गर्ने सम्भावना छ ।

श्रीलंका मालिंगाको नेतृत्वमा
जारी श्रृखंला लगत्तैबाट लागु हुने गरि श्रीलंका क्रिकेट छनोट समितिले राजीनामा दिइसकेको छ । टोलीको लगातारको हारपछि पूर्व कप्तान सनथ जयसूर्याको नेतृत्वमा रहेको छनोट समिति दबाबमा परेको थियो । अर्का कप्तान अर्जुना रनतुंगाले पनि श्रीलंकाली क्रिकेट व्यवस्थापनको चर्को आलोचना गरेका थिए ।

चौथो एक दिवसिय क्रिकेटमा तेस्रो खेलाडीले श्रीलंकाको कप्तानी गर्ने भएका छन् । कार्यावहाक कप्तान चामारा कापुगेडेरालाई ढाडको समस्या भएपछि उनको ठाँउमा लासिथ मालिंगालाई कप्तान बनाइएको छ । मालिंगाले अर्को एक विकेट लिएपछि एक दिवसिय क्रिकेटमा ३ सयौं विकेट पुरा गर्ने चौथो श्रीलंकन खेलाडी बन्नेछन् ।