डाम्बुल्ला (एजेन्सी) – श्रीलंका र भारत बीचको एक दिवसीय शृंखलाको पहिलो खेल आज श्रीलंकाको डाम्बुल्ला स्थित रन्गिरी डाम्बुल्ला अन्तरास्ट्रिय क्रिकेट मैदानमा खेलिदै छ ।

यसअघिको तिन टेस्टको शृंखलामा भारत हावी भएको थियो भने नँया एक दिवसिय कप्तान पाएको श्रीलंका विश्वकपमा स्थान पक्का गर्ने लक्ष लिएर मैदानमा उत्रने छ । घरेलु दर्शकको साथ् पाउने श्रीलंकाले इङ्ल्याण्डमा हुने विश्वकपमा स्वतः पाइला टेक्न पाँचमद्धे कम्तिमा दुई खेल जित्न जरुरी छ ।

तिन टेस्ट खेलहरुमा श्रीलंकालाई ठूलो अन्तरले पराजित गरेको भारतीय टोलीको ध्यान जित भन्दा हाललाई आगामी विश्व कपमा बलियो टोली बनाउन तिर छ । टोलीमा नियमित हुदै आएका युभाराज सिंहलाई यसपटक मौका दिईएको छैन । कप्तान बिराट कोहलीले टोलीमा नयाँ प्रयोग गर्ने योजना भएकाले जित निश्चित नहुने बताएका छन् ।

अर्कातिर श्रीलंका हाल लयमा फर्किन संघर्ष गर्दैछ। गत जुनमा आइसिसी च्याम्पियन्स ट्रफी अन्तर्गतको समूह चरणको खेलमा भारतलाई हराएपनि त्यसयता श्रीलंकाको प्रदर्शन सन्तोषजनक छैन । जुनमा टोलीले घरेलु मैदानमा जिम्बावेसँगको सिरिज ३-२ ले गुमाएको थियो । ब्याटिंगमा टप अर्डर स्थिर रहेपनि अनुकुल नतिजाको अपेक्षा गर्न श्रीलंकालाई मिडल अर्डरका ब्याट्सम्यानले साथ् दिन जरुरी छ ।