8 years ago
August 11, 2017
काठमाडौँ (हाम्रो खेलकुद ) – सिंगापुरमा आजबाट शुरु भएको पाँचौ संस्करणको सिंगापुर क्रिकेट क्लब इन्टर नेशनल टी–२० क्रिकेट प्रतियोगितामा नेपालका दुई खेलाडी पारस खड्का र मेहबुब आलम सम्मिलित सिंगापुर इमर्जिङ स्टार पराजित भएको छ ।
सिंगापुरस्थित पादाङ क्रिकेट मैदानमा शुक्रबार भएको पहिलो खेलमा नेपाली राष्ट्रिय टिमका कप्तान पारस र टिमका महत्वपूर्ण सदस्य मेहबुब सम्मिलित सिंगापुर इमर्जिङ स्टार डकवर्थ लुइस (डिएल) पद्धतिको आधारमा सिंघालेस स्पोर्टस् क्लबसँग ३६ रनले पराजित भएको हो । सिंघालेसले दिएको १ सय ९३ रनको लक्ष्य पछ्याएको सिंगापुर इमर्जिङले ५.४ ओभरसम्म २ विकेट गुमाएर २६ रन बनाएको अवस्थामा वर्षा भएपछि खेल पुनः शुरु हुन नसक्दा खेलको निर्णय डिएल पद्धतिबाट लिएको थियो । जसमा सिंघालेसले बाजी मारेको हो ।
सिंगापुर इमर्जिङका लागि चामिन्डा रुवाले ११ रन बनाए । नेपालका मेहबुब ४ रनमा आउट भए । सुरेन्द्ररन चन्द्रमोहन ६ रन तथा अर्जुन मुर्तेजा ३ रन बनाएर खेलिरहेको अवस्थामा वर्षा भएपछि खेल रोकिएको थियो । श्रीलङ्का राष्ट्रिय टिमका सदस्य तथा टिमका कप्तान सिंघालेसका सचित्रा सिनानायकेले दुई विकेट लिए ।
यसअघि पहिले ब्याटिङ गरेको सिंघालेसले निर्धारित १७ ओभरमा ४ विकेट गुमाएर १ सय ९२ रनको सम्मानजनक योगफल तयार पारेको थियो । सिंघालेसका लागि दासुन सानाकाले सर्वाधिक ७९ रनको अविजित इनिङ्स खेले । दासुनले आक्रामक ब्याटिङ गर्दै २७ बलमा ५ चौका र ८ छक्काको मद्दतमा ७९ रन बनाए । मिनोध बानुवाले ५० रनको अर्धशतकीय इनिङ्स खेले । सम्मु असम १३ रनमा अविजित रहे ।
सिंगापुर इमर्जिङका लागि नेपाली खेलाडी मेहबुबले ४ ओभर बलिङ गर्दै ३९ रन खर्चेर दुई विकेट लिए । मेहबुबले सिंघालेसका ओपनर ब्याट्सम्यान दिलन जयलथलाई शुन्य रनमै बोल्ड गरेका थिए । पारसले दुई ओभर बलिङमा २० रन खर्चदै एक विकेट लिए । अखिल बालाचन्द्रले एक विकेट लिए । समूह ‘बी’ मा रहेको नेपाली खेलाडी सम्मिलित सिंगापुर इमर्जिङले शनिबार अष्ट्रेलियाको मेलवर्न क्रिकेट क्लबसँग खेल्नेछ । यस्तै शनिबार नै हङकङको कोउलोन क्रिकेट क्लबसँग खेल्नेछ ।
March 17, 2025
काठमाडौं(हाम्रो खेलकुद) – ललितनारायण राजवंशीको ५ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]
