एजेन्सी – दक्षिण अफ्रिकाविरुद्दको पहिलो टेष्ट सकिन एक दिन बाँकी छदै इङ्गल्याण्डले २ सय ११ रनको शानदार जित दर्ता गरेको छ । १ विकेटको क्षतिमा १ सय १९ रन बनाएको अवस्थामा चौथो दिनको खेल सुरु गरेको इङगल्याण्डले दोश्रो इनिङ्समा सबै विकेट गुमाएर २ सय ३३ रन बनाएको थियो ।

पहिलो इनिङ्समा ४ सय ५८ रन बनाएको इङगल्याण्डले दोश्रो इनिङ्समा २ सय ३३ रन बनाएपछि दक्षिण अफ्रिकाले ३ सय ३० रनको विजय लक्ष्य पाएको थियो । ३ सय ३० रनको विजय लक्ष्य पछ्याउदै जवाफी ब्याटिङ गरेको दक्षिण अफ्रिका सम्हालिन नसक्दा फराकिलो अन्तरमा हार चाख्न बाध्य भयो । दक्षिण अफ्रिकाको पारी ध्वस्त बनाउनेक्रममा बायाँ हाते स्पिनर मोइन अली नायक बने । १५ ओभर बलिङ गरेका उनले ५९ रन खर्चिदै ६ विकेट हात पारे । अलीलाई साथ दिएका अर्का स्पिनर लियम डोसनले ३४ रन खर्चिएर २ विकेट लिए ।

ब्याटिङतर्फ इङगल्याण्डका लागि पुर्वकप्तान एलेस्टर कुक र जोनी बेरस्टोले अर्धशतकीय पारी खेले । दक्षिण अफ्रिकी ब्यमट्सम्यानहरुको प्रदर्शनभने सम्झनलायक हुन सकेन । केहीले मात्रै दोहोरो आकाडामा रन बनाए पनि क्रिजमा लामो समय बिताउन सकेनन् । केहीले भने दोहोरो आँकडामा रन नै बनाउन सकेनन् । जम्माजम्मी १० विकेट लिएका मोइन अली प्लेयर अफ द म्याच घोषित भए ।

इङगल्याण्ड भ्रमणमा रहेको दक्षिण अफ्रिकी टोलीले ४ टेष्ट श्रृंखला खेल्नेछ । यी दुई टोलीबिचको दोश्रो टेष्ट १४ जुलाईमा नाटिङघममा हुनेछ ।