8 years ago
June 26, 2017
कार्डिफ (एजेन्सी)– निर्णायक खेलमा दक्षिण अफ्रिकालाई १९ रनले हराउँदै इङ्ल्यान्डले टि ट्वान्टी क्रिकेट श्रृखंला जितेको छ । तीन खेलको श्रृखंला इङ्ल्यान्डले २–१ ले जितेको हो । यसअघि पहिलो खेलमा इङ्ल्यान्ड र दोस्रोमा दक्षिण अफ्रिका विजयी भएको थियो ।
उपाधिका साथ इङ्ल्यान्ड क्रिकेट टोली ।
दक्षिण अफ्रिकाले आइतबार टस जितेर इङ्ल्यान्डलाई ब्याटिङको निम्तो दिएको थियो । इङ्ल्यान्डले डाविड मालानको अर्धशतकसँगै ८ विकेटको क्षतिमा १ सय ८१ रन बनायो । जवाफमा दक्षिण अफ्रिकाले ७ विकेटको नोक्सानीमा १ सय ६२ रन मात्र जोड्न सक्यो ।
दक्षिण अफ्रिकालाई लक्ष्यमा पुग्नबाट रोक्न क्रिस जोर्डनले ३, टोम कुरानले २ तथा लिम प्लुङकेट र मासोन क्रानेले समान १ विकेट लिए । दक्षिण अफ्रिकाका लागि मान्गोलासियो मोसेलले ३६, कप्तान एबि डि भिलियर्सले ३५, ओपनर जेज स्मोट्सले २९ र एन्डिले फेलुक्वायोले अविजित २७ रन बनाए । अन्य खेलाडीले दोहो दोहोरो अंकमा रन बनाउन सकेनन् ।
त्यसअघि मालानले ‘डेब्यू’लाई स्मरणिय बनाउने क्रममा उच्च प्रदर्शन गरे । ४४ बल खेलेका मालानले १२ चौकाको मद्दतमा ७८ रन बनाए । ओपनर एलेक्स हाल्सले ३६,जोस बट्लरले ३२ र साम विलिङ्सले १२ रन जोडे । अन्य कुनै पनि ब्याट्सम्यान दोहोरो अंकमा पुग्न सकेनन् ।
दक्षिण अफ्रिकी बल डाने पाटर्सनले ४ फेलुक्वायोले २ तथा मार्ने मोर्केल र इमरान ताहिरले समान १ विकेट लिए । मालान म्यान अफ दी म्याच घोषित भए । इङ्ल्यान्ड र दक्षिण अफ्रिकाबीचको चार टेस्टको श्रृखंलाको पहिलो टेस्ट जुलाई ६ मा लर्डमा सुरु हुनेछ ।
March 6, 2025
काठमाडौं(हाम्रो खेलकुद) – ललितपुर जिल्ला प्रधानमन्त्री कप बागमती प्रदेश छनोट प्रतियोगिताको च्याम्पियन बनेको छ । बिहीवार भएको फाइनल खेलमा मकवानपुर जिल्लालाई ६५ रनले पराजित गरि ललितपुर च्याम्पियन बनेको हो । ललितपुरले दिएको १ सय ९३ रनको लक्ष्य पछ्याएको मकवानपुर ३९.५ ओभरमा १ सय २७ रनमा समेटियो । मकवानपुरका लागि विशाल फुयालले ६४ बलमा सर्वाधिक ४१ […]
March 6, 2025
एजेन्सी – विश्व कप लिग टु अन्तगर्त क्यानडा र नेदरल्याण्ड्सबीचको खेल वर्षाका कारण रद्द भएको छ । नामिबियामा जारी त्रिकोणात्मक सिरिजमा बुधवार हुनुपर्ने क्यानडा र नेदरल्याण्ड्सबीचको खेल टस समेत नभई रद्द भएको हो । नेपालसहित ८ टोली सहभागी लिग टु क्यानडा १३ खेलमा १७ अंकका साथ तेस्रो स्थानमा छ । समान खेलमा १५ अंकका साथ […]
March 5, 2025
एजेन्सी – न्युजिल्याण्ड च्याम्पियन्स ट्रफीको फाइनलमा प्रवेश गरेको छ । दोस्रो सेमिफाइनलमा बुधवार दक्षिण अफ्रिकालाई ५० रनले हराउँदै न्युजिल्याण्ड अन्तिम दुईमा पुगेको हो ।न्युजिल्यान्डले आइतवार हुने फाइनलमा भारतको सामना गर्नेछ । भारतले पहिलो सेमिफाइनलमा अस्ट्रेलियालाई ५ विकेटले हराउँदै फाइनलमा पुगेको थियो । समूह चरणमा भारतले न्युजिल्यान्डलाई हराएको थियो। समूह चरणमा उत्कृष्ट प्रदर्शन गरेको दक्षिण अफ्रिका सेमिफाइनलमाबाट […]
