काठमाडौं (हाम्रो खेलकुद) – कौस्तुभ कलेज एइसी सुपर कप इन्डोर क्रिकेट प्रतियोगिताको च्याम्पियन बनेको छ।  कोटेश्वरस्थित अल्टिमेट इन्डोर क्रिकेट खेल मैदानमा शुक्रबार भएको फाइनलमा कौस्तुभ कलेजले चितवन टाइगर्सलाई १ सय रनले पराजित गर्दै च्याम्पियन बनेको हो।

चितवन टाइगर्सले दिएको ६८ रनको लक्ष्य पछ्याएको कौस्तुभ कलेजले निर्धारित १८ ओभरमा १ सय ६७ रन बनाएपछि कौस्तुपले ६७ रनको फराकिलो जित निकालेको हो । कौस्तुभका दिपेन्द्र मैनालीले ३७ रन बनाए । यस्तै प्रदिप टन्डनले ३५ तथा धिरज अधिकारीले ३४ रन बनाए । चितवन टाइगर्सका आवाज घिमिरेले दुई विकेट लिए । यसअघि पहिले ब्याटिङ गरेको चितवनले विपिन कार्कीको २२ तथा उत्तम कठायतको १८ रनको मद्दतमा ६७ रन बनाएको थियो । चितवन टाइगर्सलाई सस्तैमा रोक्न कौस्तुपका दिपेन्द्र मैनाली र रुपेश श्रीवास्तवले समान तीन–तीन विकेट लिए । चितवनले नेप्लोमार्टलाई तथा कौस्तुभले राइजिङ नेपाललाई पराजित गर्दै फाइनलमा स्थान सुरक्षित गरेको थियो ।

विजयी बनेको कौस्तुभ कलेजले ५० हजार प्राप्त गर्यो । म्यान अफ दि सिरिज बनेका कौस्तुका दिपेन्द्र मैनालीले नगद ५ हजार प्राप्त गरे ।

आरिगातो एजुकेसनल कन्सल्टेन्सी तथा पाण्डा इभेन्ट्सको संयुक्त आयोजनामा गत मंगलबारदेखि सुरु भएको प्रतियोगितामा १८ टोलीको सहभागिता रहेको थियो ।