काठमाडौं (हाम्रो खेलकुद)– नितेन मेमोरियल स्कुलले माइक्रोम्याक्स अन्तरस्कुल इन्डोर क्रिकेट प्रतियोगिताको उपाधि जितेको छ । भेलोसिटी एरिनामा शुक्रबार भएको फाइनलमा डिएभीलाई ३ विकेटले हराउँदै नितेन मेमोरियलले उपाधि जितेको हो ।

विजेता नितेन मेमोरियलका खेलाडी उपधिका साथ ।

८७ रनको लक्ष्य पछ्याएको नितेन मोमोरियलले १४ ओभरमा ५ विकेट गुमाउँदै ८८ रन जोडेको थियो । टोलीका लागि सुमन लिम्बुले २३ बलमा २३ रन बनाए भने सुरज राना मगरले २२ बलमा १८ रन जोडे । डिएभीका सुमन श्रेष्ठले २ विकेट लिए ।

त्यसअघि टस जितेर ब्याटिङ गरेको डिएभीले ११.१ ओभरमा सबै विकेट गुमाएर ८६ रन बनाएको थियो । टोलीका लागि आदित्य अग्रवालले १५ रन बनाएका थिए । नितेन मेमोरियलका जितेन तामाङले २ विकेट लिए । नितेन मेमोरियलका सुमन लिम्बु म्यान अफ दी म्याच घोषित भए ।

त्यसअघि आजै सेमिफाइनलमा नितेन मेमोरियल ग्रीन लज एकडेमीलाई सुपर ओभरमा तथा डिएभिले उज्वल शिशु निकेतनलाई २५ रनले हराउँदै फाइनल भेट पक्का गरेका थिए ।

भ्याकुत्ते प्रोडक्सनले आयोजना गरेको प्रतियोगितामा सय रन बनाउँनुका साथ ५ विकेट लिएका डिएभीका समन श्रेष्ठ म्यान अफ दी सिरिज घोषित भए । ९९ रन बनाउका एपिआइ स्कुलका रेउल श्रेष्ठ उत्कृष्ट ब्याट्सम्यान १० विकेट लिएका नितेन मेमोरियलका जितेन तामाङ उत्कृष्ट बलर घोषित भए ।

ग्रीन लजका विभक्त लम्साल इमर्जिङ प्लेयर र उज्वल शिशुका क्रिस अधिकारी उत्कृष्ट फिल्डर घोषित भए । नेपाल क्रिकेट संघका पूर्व उपाध्यक्ष बालुवाटार क्रिकेट एकेडमीका अध्यक्ष उपेन्द्र भट्टराईले विजेता, उपविजेता टोलीका खेलाडीलाई पुरस्कृत गरे ।

उपविजेता डिएभीका खेलाडी ।