इङ्ल्यान्ड (एजेन्सी) – इङ्ल्यान्डले दक्षिण अफ्रिकासँगको तीन एक दिवसिय अन्तर्राष्ट्रिय क्रिकेट श्रृखंलामा २–० को अग्रता लिएको छ । बेन स्टोक्सको शतकको मद्दतले शनिबार दक्षिण अफ्रिकालाई २ रन हराउँदै इङ्ल्यान्डले लगातार दोस्रो जित हासिल गरेको हो ।

आइसीसी च्याम्पियन्स ट्रफीको तयारीका रुपमा हेरिएको श्रृखंलामा शनिबार दक्षिण अफ्रिकाले टस जितेर इङ्ल्यान्डलाई ब्याटिङको निम्तो दिएको थियो । स्टोक्सको ७९ बलमा १ सय १ रन र जोस बटलरको अविजित ६५ रनको मद्दतमा इङ्ल्यान्डले निर्धारित ५० ओभरमा ६ विकेट गुमाउँदै ३ सय ३० रन बनाएको थियो । दक्षिण अफ्रिकाका राबाडाले २ विकेट तथा ड्वाइन प्रीटोरियस , केशव माहाराज र एन्डिले फेलुक्वायोले समान १ विकेट लिएका थ्एि ।

ठुलो लक्ष्य पछ्याएको दक्षिण अफ्रिकाले ५ विकेटको क्षेतिमा ३ सय २८ रन जोडेको थियो । टोलीका लागि क्विन्टन डी ककले राम्रो सुरुवात दिलाउन ९८ , कप्तान एबि डी भिलियर्स ५१ र डेभिड मिलरको ५१ बलमा ७१ रन बनाएपछि हार टरेन ।

दक्षिण अफ्रिकालाई जितका लागि अन्तिम ओभरमा ७ रनको आवश्यकटा थियो । इङ्ल्यान्डका मार्क उडले विकेट लिन नसकेपनि अन्तिम ओभरमा ४ रन मात्र खर्चदै दक्षिण अफ्रिकालाई जितबाट रोकेका थिए । इङ्ल्यान्डका लियाम प्लंगकेटले ३ तथा मोइन अलि र बेन स्टोक्सले समान १ विकेट लिए । यी दुई टोलीबीचको अन्तिम एक दिवसिय सोमबार हुनेछ ।