हैदराबाद (एजेन्सी) – इण्डियन प्रिमियर लिग अन्तर्गत सोमबार राती भएको खेलमा सनराइजर्स हैदराबादले जित दर्ता गर्दै प्लेअफमा पुग्ने सम्भावनालाई बलियो बनाएको छ । मुम्बई इन्डियन्सलाई ७ विकेटले हराउँदै हैदराबादले प्ले अफमा पुग्ने सम्भावना बलियो बनाएको हो ।

टस जितेर पहिले ब्याटिङ गरेको मुम्बईले निर्धारित २० ओभरमा ७ विकेट जाँदा १ सय ३८ रन बनाएको थियो । मुम्बईका पार्थिव पटेलले १७ बलमा २३ रन र् कप्तान रोहित शर्माले ४५ बलमा ६७ रन बनाए । हैदराबादका लागि सिद्धार्थ कलले तीन, भुवनेश्वर कुमारले दुई साथै महम्मद नाबी र रसिद खानले एक एक विकेट लिए । अफगानीस्तानका बलरद्वय नाबी र खानले गरेको ८ ओभरमा ३५ रन मात्र खर्चेका थिए ।

जवाफी ब्याटिङमे उत्रेको हैदराबादले १ सय ३९ रनको लक्ष्य १० बल बाँकी छँदै भेट्टायो । हैदरावादका लागि शेखर धवनले दोस्रो विकेटका लागि मोइसस हेनरिकेससँग गरेको ९१ रनको साझेदारी महत्वपूर्ण रह्यो। धवनले ४६ बलमा दुई छक्का र चार चौका गरी ६२ रन बनाए । यस्तै हेनरिकेसले ३५ बलमा ६ चौकाको सहयोगले ४६ रन बनाए । युवराज सिंहले ९ रन बनाए । जितसँगै हैदराबाद अंक तालिकाको चौथो स्थानमा उक्लिएको छ । मुम्बईका मिचेल मक्क्लिनघन, लसिथ मालिंगा र जसप्रित बुम्राहले एक एक विकेट लिए ।