बेंगलोर (एजेन्सी) – इन्डियन प्रिमियर लिग (आइपिएल) क्रिकेट अन्तर्गत शुक्रबार राति भएको खेलमा किङ्गस इलेभेन पन्जाबले रोयल च्यालेन्जर्स बेंगलोरलाई १९ रनले पराजित भएको छ ।

चिन्नास्वामी रंगशालमा भएको खेलमा पहिलो ब्याटिङ गरेर पन्जाबले प्रस्तुत गरेको एक सय ३९ रनको लक्ष्य पछ्याउने क्रममा बैंग्लोर १९ ओभरमा अल आउट हुँदै मात्रै एक सय १९ रन बनाउन सफल रह्यो । बेंगलोरका मन्दीप सिंहले ४६, पवन नेगीले २१ तथा एबी डी भिलिएर्सले १० रन बनाउनु बाहेक अरुले दोहोरो अंकमा रन बनाउन सकेनन् । म्यान अफ द म्याच बनेका सन्दिप शर्माले क्रिस गेल, विराट कोहली र डी भिलिएर्सको विकेट लिएका थिए। अक्षर पटेलेले तीन तथा मोहित शर्मा र ग्लेन म्याक्सवेलले दुई/दुई विकेट लिए ।

यसअघि पहिले ब्याटिङ गरेको पन्जाबले ७ विकेटको नोक्सानीमा एक सय ३८ रन बनाएको थियो । उसका लागि अक्षर पटेलले नटआउट ३८ रन बनाए । यस्तै मनन वोहराले २५, ऋद्धिमन शाहले २१ तथा शान मार्सले २० रन बनाए । जितपछि पन्जाबकोको प्लेअफमा पुग्ने सम्भावना कायम रहेको छ । १० अंक  जोडेको पन्जाब अन्नका तालिकाको पाँचौ स्थानमा आइपुगेको छ । उसले अब चार खेल खेल्न बाँकी छ । दुई खेल बाँकी हुँदा पुछारमा रहेको बैंग्लोरको पाँच अंक छ ।