कोलकता (एजेन्सी) – कोलकता नाइट राइडर्सले इन्डियन प्रिमियर लिग (आइपिएल) मा आज साविक विजेता सनराइजर्स हैदराबादलाई १७ रनले हराउँदै अंक तालिकाको शीर्षस्थानमा पुगेको छ । चार खेलमा ३ जितसहित नाइट राइडर्सको ६ अंक छ ।

तस्बिर – रोन गाउन्ट / एजेन्सी

टस हारेर ब्याटिङको निमन्त्रण पाएको नाइटराइडर्सले सनराइजर्स हैदराबादसामु १ सय ७३ रनको लक्ष्य प्रस्तुत गरेको थियो । जवाफमा हैदराबादले २० ओभरमा ६ विकेट गुमाएर १ सय ५५ रन मात्र बनाउन सक्यो ।
राम्रो सुरुवात गरेको हैदराबादको ४६ रनमा ओपनिङ साझेदारी टुटे पछि भने सम्हालिन भने सकेन । शिखर धवनले २३ रन बनाए भने डेभिड वार्नर २६ रन बनाउदै पेभोलियन फर्किए ।

त्यस्तै युवराज सिंहले २६ रन बनाए भने बिपुल शर्मा १ रनमा अविजित रहे । कोलकताका लागि क्रिस वोक्सले २ विकेट लिए । युसुफ पठान , कुलदिप यादव , सुनिल नारन र बोल्टको नामा समान १ विकेट रह्यो ।

त्यसअघि कोलकाताले निर्धारित ६ विकेटको क्षेतिमा १ सय ७२ रन बनाएको थियो । रबिन उथप्पाले ६८ रन बनाए भने उनलाई दोस्रो विकेटका लागि साथ दिएका मनिष पाण्डेले ४६ रन बनाए ।

खेलको म्यान अफ द म्याच उथप्पाले ५ चौका र ४ छक्का प्रहार गरे । निकै किफायती रहेका भुवनेश्वर कुमारले ४ ओभरमा २० रन दिएर ३ विकेट लिए ।