धनगढि(हाम्रो खेलकुद) – धनगढि प्रिमिएर लिग अन्तर्गत बिहिबार भएको दोश्रो खेलमा बिराटनगर किङ्सले सीवाईसी अत्तरियामाथि ८ विकेटको सहज जित दर्ता गर्यो।

जारी प्रतियोगितामा दोश्रो ब्याटिङ गर्ने टोलीले खेल जितेको यो पहिलो पटक थियो। अत्तरीयाले आफ्नो सम्पुर्ण विकेट गुमाउँदै जम्मा ९२ रन जोड्न सफल रह्यो। जवाफमा प्रतियोगिताकै सबैभन्दा कम लक्ष्य पछ्याउन मैदानमा उत्रिएको बिराटनगरको सुरुवात पनि राम्रो हुन सकेन। ओपनर अमित श्रेष्ठलाई रनको स्थितिमा गुमाएको उसले सुरुको ३ ओभरमा बिराटनगरलाई ३/१को स्थितिमा रोकेको थियो।

खेलको चौथो ओभरमा प्रदिप एेरीले आसिफ शेखको क्याच ड्रप गरेपछि अत्तरियाले बिराटनगरमाथि थप दबाब सिर्जना गर्ने अवसर गुमाएको थियो। त्यसपछि आसिफ बलरमाथि हावी भए र उनले विजयी पारी खेल्ने क्रममा ३७ बलमा ५ चौका र २ छक्काको मद्दतले ४६ रन बनाए। दिपेन्द्र सिंह ऐरीले खेलको १२औं ओभरमा आफैंले विजयी रन प्रहार गरेपछि आसिफ ४६रनमा अविजित रहदैं बिराटनगरले खेल जितेको थियो।

खेलको ११औं ओभरमा पनि प्रदिपले आसिफको सहज क्याच छुटाएपछि उक्त सट छक्का भएको थियो। अक्सनमा महँगो रकममा अत्तरियामा पुगेका प्रदिपले जारी प्रतियोगिताको तिन खेलसम्म राम्रो प्रदर्शन गर्न सकेका
छैनन्।