काठमाडौं (हाम्रो खेलकुद )- नेपाल कमर्श क्याम्पस स्पोन्सर युनिर्सिटी टी–२० क्रिकेट प्रतियोगिताको च्याम्पियन बनेको छ । कीर्तिपुरस्थित त्रिवि क्रिकेट मैदानमा मंगलबार भएको फाइनलमा शंकरदेव क्याम्पसलाई ६ विकेटले पराजित गर्दै कमर्श क्याम्पसले पहिलो संस्करणको स्पोन्सर युनिभर्सिटी कपको उपाधि रक्षा गरेको हो ।

शंकरदेवले दिएको १ सय ३१ रनको लक्ष्य कमर्शले १८.१ ओभरमा ४ विकेट गुमाएर पूरा ग¥यो । कमर्शका ओपनरले पहिलो विकेटको लासग ७७ रनको साझेदारी गरे । कमर्शका लागि ओपनर धिरज अधिकारीले ३८ तथा अविनाश अधिकारीले ३५ रनको महत्वपूर्ण इनिङ्स खेले । यस्तै पवन श्रेष्ठ १८ रनमा अविजित रहँदा हिमांशु दत्त १८ रनमा पभेलियन फर्किए । बसन्त खत्री १५ रनमा आउट भए । शंकरदेवका लोकेन्द्र धामीले दुई तथा रविन चन्द र अरुण ऐरीले एक–एक विकेट हात पारे । यसअघि टस जितेर पहिले ब्याटिङ गरेको शंकरदेवले ९ विकेट गुमाएर १ सय ३० रनको मध्यम योगफल तयार पारेको थियो । शंकरदेवका लागि मध्यक्रमका सिद्धान्त कटवालले सर्वाधिक ३६ रन बनाएका थिए । आयुष्ममान बम र अरुण ऐरीले समान २४–२४ रन बनाए । रविन चन्द १४ रनमा आउट हुदा अन्य कमर्शको कसिलो बलिङसामु शंकरदेवको ब्याट्सम्यानको प्रदर्शन कमजोर देखियो । कमर्शका लोकेन्द्र चन्द, अविनाश अधिकारी, नवीन थापा र रोशन बुडालले समान दुई–दुई विकेट लिए ।

शंकरदेवका आशिष पोखरेल प्लेयर अफ दि टुर्नामेन्ट घोषित भए । कमर्शका नवीन थापा उत्कृष्ट बलर तथा पवन श्रेष्ठ उत्कृष्ट फिल्डर घोषित भए । यस्तै शंकरदेवका आयुष्मान बम उत्कृष्ट ब्याट्सम्यान घोषित हुदा त्रिविका अफजल मन्सुरी इमर्जिङ प्लेयर घोषित भए । उत्कृष्ट बनेका खेलाडीहरुले खेल सामग्रीका साथै एकवर्षसम्मका लागि ग्रेट हिमालय क्रिकेट एकेडेमीमा निशुल्क प्रशिक्षण र प्रतियोगिता खेल्ने मौका पाए ।

च्याम्पियन बनेको कमर्शले नगद १ लाखसहित ट्रफी र मेडल प्राप्त ग¥यो । उपविजेता बनेको शंकरदेवले ५० हजारमा चित्त बुझायो । चैत २२ गतेबाट शुरु भएको प्रतियोगितामा १६ कलेजले प्रतिस्पर्धा गरेका थिए ।