काठमाडौं (हाम्रो खेलकुद)–नेक्सस यू–१६ क्रिकेट कप प्रतियोगितामा आइतबार जनप्रेमी क्रिकेट क्लब, नेपाल क्रिकेट स्कुल स्कुल, कालिकोट, बालुवाटार, केसिसी र ओसिस विजयी भएका छन् । बुढानिलकण्ठको मैदानमा जनप्रेमीले सान ग्रिनविचलाई ५७ रनले हराएको थियो । ४९ रन बनाउनुका साथै १ विकेट लिएका जनप्रेमीका वाङ्गी मगर म्यान अफ दी म्याच बनेका थिए ।

नेपाल क्रिकेट स्कुलले नेक्ससलाई ६ विकेले हराएको थियो । ५१ बलमा ७१ रन बनाएका क्रिकेट स्कुलका निखिल लोखन्डिया म्यान अफ दी म्याच घोषि भए । अर्को खेलमा केसिसीले जीएचसिए‘बी’लाई १३ रनले हरायो । २६ बलमा ३५ रन बनाएका केसिटिसीका सुजल गुप्ता म्यान अफ दी म्याच घोषित भए । ओसिसले नेपाल प्रहरीलाई १० विकेटले हरायो । ५ विकेट लिएका ओसिसका सुसन खत्री म्यान अफ दी म्याच चिुनिए ।

उता कालिकोटले हिमालयन क्रिकेट एकेडेमीलाई १७ रनले हरायो । पहिले ब्याटिङ गरेको कालिकोटले ९ विकेट गुमाएर १ सय ६६ रन बनाएको थियो । जवाफमा हिमालयनले १ सय ५० रनमात्र बनाउन सक्यो । ५४ रन बनाउनको साथै ४ विकेट लिएका कालिकोटका मोविन शर्मा म्यान अफ दी म्याच घोषित भए । बालुवाटारले सान रेडलाई ८ विकेटले हरायो । २ विकेट लिएका बालुवाटारका इरफान खान म्यान अफ दि म्याच बने ।

प्रतियोगिताको विजेताले १ लाख ५० हजार तथा दोस्रो हुनेले १ लाख रुपैयाँ प्राप्त गर्नेछ । प्रतियोगिताको म्यान अफ द सिरिजले २० हजार, इर्मजिङ प्लेयरले १५ हजार, उत्कृष्ट ब्याट्सम्यान र बलरले समान १० हजार रुपैयाँ प्राप्त गर्नेछन् ।