दिपेन्द्र पोखरेल धनगढी – तीन महिना पछि क्रिकेटमा पुनरागमनमा म्यान अफ दी म्याच बनेका पारस खड्काले अर्धशतक बनाएको च्यारिटी खेलमा आइतबार नेपाल ११ धनगढी ११ लाई ३१ रनले हराएको छ ।

सुदूरपश्चिमाञ्चलमा भोलीबाट सुरु हुने सगरमाथा सिमेन्ट डिपिएल क्रिकेटको एक दिनअघिको च्यारिटी खेलमा १ सय ६२ रनको लक्ष्य पछ्याएको धनगढीले २० ओभरमा ८ विकेट गुमाएर १ सय ३० रनमात्र बनाउन सक्यो । धनगढीलाई लक्ष्यमा पुग्न नदिन नेपाल ११ का शक्ति गौचनले ३, सोमपाल कामीले २ तथा महबुब आलम, सन्दीप लामिछाने र अभिनाष कर्णले समान १ विकेट लिए । धनगढीका लागि ओपनस सुनिल धमलाले सर्वाधिक ३४, दीपेन्द्र सिंह ऐरीले २६, रोशन अधिकारीले १७, विजय रानले १३ र लोकेश बलमे १० रन बनाएका थिए ।

त्यसअघि टस जितेर ब्याटिङ गरेको नेपाल ११ ले कप्तान पारसले सर्वाधिक ६८ रन बनाएपछि नेपाल ११ ले ८ विकेट गुमाएर १ सय ६१ रन बनाएको थियो । वसन्त रेग्मी र पारसले तेश्रो विकेटका लागि ८२ रनको साझेदारी गर्दै टोलीलाई उकासेका थिए । त्यसपछि पारस र शरद मिलेर चौथो विकेटका लागि ६३ रन जोडेका थिए । बिक्रम ठगुन्नाले पहिलो ओभरमा २ ओपनरलाई आउट गरेपछि नेपाल ११ दबाबमा परेको थियो । विक्रमले ४ ओभरमा २१ रन दिएर र ४ विकेट लिएका थिए । उनले पारस र गोल्डन डकआउट विनोद भण्डारीसहितको विकेट लिएका थिए । पुसमा पूर्वाञ्चलमा भएको सातौं राष्ट्रिय खेलकुदपछि पारस पहिलो पटक मैदान उत्रेका थिए ।

पेटको शल्यक्रियापछि पूर्ण रुपमा फिट नभएका उनले पछिल्ला दुई अन्तर्राष्ट्रिय प्रतियोगिता खेलेका थिएनन् । पुरानै फर्मको झल्को दिने गरि पारसले ४४ बलमा ७ चौका र ४ चौका प्हार गरेका थिए । तेस्रो नम्बरमा ब्याटिङ गरेका वन्सतले ४४, शदर भेषावकरले १९ र महबुबले १० रन बनाए । ओपनर सागर पुन र दीलिप नाथले खाता खोलन सकेनन् । सोमपाल २ रनमा रनआउट भए भने शक्ति शून्यमा अविजित रहे ।