मुम्बई (एजेन्सी) – इन्डियन प्रिमियर लिग (आइपिएल) को दोस्रो खेलमा बिहीबार राइजिङ पुने सुपरजाइन्टले मुम्बई इन्डियन्सलाई ७ विकेटले हराएको छ ।

टस हारेर पहिले ब्याटिङको निम्तो पाएको मुम्बई इन्डियन्सले निर्धारित २० ओभरमा ८ विकेट गुमाउँदै १ सय ८४ रन बनाएको थियो । ४५ रनमा पहिलो विकेटका रुपमा ओपनर पार्थिव पटेल (१९) आउट भएको खेलमा मुम्बईले सातौं ओभरमा कप्तान रोहित शर्मा र जोस बटलरलाई गुमाएको थियो ।

मिडल अर्डरमा केभिन पोलार्ड र हार्दिक पानड्याले इनिङ्स सम्हालेपछि मुम्बईले पुने सामु १ सय ८५ रनको लक्ष्य प्रस्तुत गरेको थियो । पुनेका लागि इमरान ताहिरले ३, रजत भाटियाले २ तथा बेन स्टोक्स र एडम जाम्पाले समान १ विकेट लिएका थिए ।

जावफमा ब्याटिङ गरेको पुने सुपरजाइन्टले कप्तान स्टेभेन स्मिथको उत्कृष्ट इनिङ्सको मद्दतमा ३ विकेट गुमाउँदै १ बलअघि १ सिय ८७ रन बटुलेको थियो । ओपनर अजिन्के राहनेले ३४ बलको सामना गर्दै ३ छक्का र ६ चौकाका साथ ६० रनको योगदान दिए भने कप्तान स्मिथले ५४ बलको सामना गर्दै ३ छक्का र ७ चौकासहित ८४ रनमा अविजित रहे । स्मिथले अन्तिम ओभरको चौथो र पाचौ बलमा छक्का प्रहार गर्दै टोलीलाई जित दिलाए ।

त्यस्तै बेन स्टोक्स २१ रनमा आउट भए भने महेन्द्र सिंह धोनी १२ रनमा अविजित रहे । मुम्बईका लागि टिम साउथी , हार्दिक पानड्या र मिसेल म्याक क्लीनगनले समान १ विकेट लिए ।