आइपपिएल २०१७ आजबाट सुरु हुदै

भारत (एजेन्सी) – इन्डियन प्रिमियर लिग (आइपपिएल) आजबाट सुरु हुदै छ । अप्रिल ५ बाट सुरु हुने प्रतियोगिताको फाइनल खेल मे २१ मा हुने छ ।

आइपपिएलको दशौं संस्करणको पहिलो खेलमा आज सनराइजर्स हैदराबादले आफ्नो घरेलु मैदानमा रोयल च्यालेन्जर्स बेंगलोरको सामना गर्ने छ । अघिल्लो सिजनको फाइनल खेलमा बेंगलोरलाई हराउदै हैदराबाद उपाधि आफ्नो नाममा पारेको थियो । खेल नेपाली समय अनुसार राति को ८:१५ मा सुरु हुनेछ ।

प्रतियोगितामा पहिलो पटक सहभागिता जनाउदै गरेका अफघानिस्तानका खेलाडीद्वय राशिद खान र मोहम्मद नाबीले आज हैदराबादबाट आइपिएलमा आज पहिलो खेल खेल्नेछन । ४ करोड भारतीय रुपैयामा अनुबन्धित खान खेलमा आकर्षणको विषय हुन् । बेंगलोरका लागि भने कप्तान बिराट कोहली र ए बि डी भिलियर्स चोटका कारण खेल्ने छैनन् । त्यस्तै के.एल राहुल पनि चोटका कारण पुरै सिजन बाहिरिने छन् ।

आठ टोलीको सहभागिता रहने प्रतियोगितामा शिर्ष चार टोलीले प्ले आफ खेल्ने छन् ।