काठमाडौं (हाम्रो खेलकुद) – स्पोनसर युनिभर्सिटी क्रिकेट कपमा त्रिभुवन विश्वविद्यालय (त्रिवि) र ग्लोबल कलेजले विजयी सुरुआत गरेका छन् । कीर्तिपुरस्थित त्रिवि क्रिकेट मैदानमा मंगलबार भएको पहिलो खेलमा त्रिविले नेपाल इन्जिनियरिङ क्याम्पस ‘बी’ लाई ९ विकेटले तथा अर्को खेलमा ग्लोबल कलेजले नेपाल इन्जिनियरिङ क्याम्पस ‘ए’ लाई १० ले हरायो ।

त्रिविका प्रदिप टण्डन ब्याटिङ गर्दै ।

इन्जिनियरिङले दिएको ६९ रनको लक्ष्य त्रिविले ७.२ बलमा १ विकेट गुमाएर पुरा गरेका थियो । त्रिविका राकेश कर्णले सर्वाधिक ३५ रन बनाए । यस्तै अश्चल चौधरी २२ र प्रदिप टण्डन १० रनमा अविजित रहे । इन्जिनियररिङका विवेक यदुवंशीले एक विकेट लिए ।

त्यसअघि टस जितेर पहिले ब्याटिङ गरेको इन्जिनियरिङले १६.३ बलमा सबै विकेट गुमाएर ६८ रनमात्र बनाउन सक्यो । इन्जिनियरिङका ओपनर प्रन्सु जोशीले १४ तथा दिपेश दासले ११ रन बनाउनुबाहेक अन्य ब्याट्सम्यानले राम्रो प्रदर्शन गर्न सकेनन् । त्रिविका प्रदिपले ४, राकेशले ३, सागर ढकालले २ तथा रुपेश श्रीवास्तवले १ विकेट लिए । त्रिविका प्रदिप म्यान अफ दि म्याच घोषित भए ।
दोस्रो खेलमा ६२ रनको सामान्य लक्ष्य ग्लोबलले ५.४ बलमा विकेट नगुमाई पुरा ग¥यो । ग्लोबलका लागि ओपनर दिपेश चन्दले अविजित रहँदै अर्धशतक पुरा गरे । उनले ५२ रन जोडे । आशिष सिंह २ रनमा अविजित रहे । २७ बल खेल्दै दिपेनले ९ चौका र १ छक्का प्रहार गरे ।

त्यसिअघि टस जितेर पहिले ब्याटिङ गरेको इन्जिनियरिङले १४.४ बलमा सबै विकेट गुमाएर ६१ रनमात्र बनाउन सक्यो । टोलीका लागि सुजल श्रेष्ठले २२ रन बनाए । ग्लोबलका बिक्रम गुरुङ र कनक बज्रचार्यले समान ३, यादव घलले २ तथा रोम खड्काले १ विकेट लिए । ग्लोबलका दिपेश म्यान अफ दि म्याच घोषित भए ।

प्रतियोगिता अन्र्तगत बुधबार पाटन बहुमुखी क्याम्पस र निष्ट तथा पाटन एकेडेमी अफ हेल्थ साइन्स र एसएस कलेजबीच प्रतिस्पर्धा हुनेछ ।