भैरहवा (हाम्रो खेलकुद) – क्रिकेटका अन्तराष्ट्रिय अम्पायर सत्यजित सरकारलाई मातृशोक परेको छ । सरकारको ममतामयी माता बेनु सरकारको ७६ बर्षको उमेरमा आइतबार राती निधन भएको हो । स्वर्गिय बेनु सरकार लामो समयदेखि मुटु रोगको समस्या थियो।

पछिल्लो समय उनको सिद्धार्थनगर वडा नम्बर ३, दरखसवा स्थित घरमा उपचार हुँदै आएको थियो । स्वर्गिय सरकारको सोमबार भैरहवा स्थित स्वर्गद्धारी घाटमा बंगाली परम्परा अनुसार अन्तिम सस्कार भएको थियो ।

छोरा सत्यजितले स्वर्गिय आमालाई अग्नी दिएका थिए । रुपन्देही क्रिकेट संघका पदाधिकारीहरु, क्षेत्रिय संघका पदाधिकारी, क्यानका पूर्व केन्द्रिय सदस्यहरु, क्रिकेट खेलाडी, सञ्चारकर्मि, शुभेच्छुक लगायतले स्वर्गद्धारी घाट पुगेर श्रद्धाञ्जली प्रकट गरेका थिए । बेनुका सत्यजित छोरा सहीत ४ छोरी रहेका छन् ।

यसै बिच धनगढी प्रिमियर लिग (डिपिएल)को लागी भैरहवामा प्रशिक्षणमा रहेको रुपन्देही च्यालेञ्जर्सले सोमबार सिद्धार्थ रंगशालामा भारत गोरखपुरसँगको मैत्रीपूर्ण खेलमा स्वर्गिय सरकार प्रति हार्दिक श्रद्धाञ्जली प्रकट गर्दै दुबै टिमका खेलाडीले १ मिनेट मौन धारण गर्दै हातमा कालोपट्टी बाधेर खेलेका थिए ।