पाकिस्तानी खेलाडी शेहजाद गम्भीर घाइते

पोर्ट अफ स्पेन (एजेन्सी) – पाकिस्तानी खेलाडी अहमद शेहजाद वेस्ट इन्डिजविरुद्धको खेलमा घाटीमा चोट लागेपछि गम्भीर घाइते भएका छन् । उनि अचेत भएपछि स्ट्रेचरमा मैदान बाहिर लागिएको थियो ।

वेस्ट इन्डिजसँगको चार टि ट्वान्टी खेलको सिरिजको दोस्रो खेलको चौथो ओभरमा बलिंग गरेका सोहिल तन्भिरको अन्तिम बलमा मार्लोन स्यामुयल्सको प्रहारमा १ रन रोक्न्ने प्रयासमा शेहजाद अर्का ब्याट्सम्यान चाडविक वाल्टनसँग ठोक्किदै ढलेका थिए । शेहजादको घाटी वाल्टनको ब्याटिंग प्याडमा ठोक्किएपछि उनी लडेका थिए ।

पाकिस्तानका फिजियो शेन हायेसका अनुसार शेहजाद अचेत भएपछि उनलाई अस्पताल पुर्याइएको थियो । उनलाई एम्बुलेन्समा फिल्डबाट हस्पिटलतर्फ लागिएको थियो । शेहजादको स्वस्थ अवस्थाको बारेमा बिस्तृत जानकारी भने आउन बाँकी छ ।

शदाब खानको राम्रो बलिंगको मद्धतले पाकिस्तानले उक्त खेल तिन रनले जित्यो । १३३ रनको लक्ष्य पछ्याएको वेस्ट इन्डिजलाई पाकिस्तानले १२९/८ को अवस्थामा रोकेको थियो ।