बंगलादेशद्वारा पाकिस्तानको प्रस्ताव अस्वीकार

ढाका (एजेन्सी)– पाकिस्तानले राखेको दुई टि ट्वान्टी सिरिजको प्रस्तावलाई बंगलादेश क्रिकेट बोर्ड (बिसिबी) ले अस्वीकार गरेको छ । बिसिबीले सुरक्षाको कारण देखाउदै सिरिजका लागि पाकिस्तान नजाने निर्णय गरेको हो ।

पाकिस्तानमा खेल्ने प्रस्ताव अस्वीकार गर्ने दुई बर्षयता वेस्ट इन्डिज , आयरल्यान्ड र श्रीलंकापछि बंगलादेश चौथो टोली हो । पाकिस्तानले यो वर्षको जुलाईमा बंगलादेशलाई घरेलु मैदानमा खेल्न प्रस्ताव गरेको थियो ।

पाकिस्तान क्रिकेट बोर्ड (पिसिबी) का अध्यक्ष शाहरयार खानले बंगलादेशको निर्णय सुरक्षाको चासो भन्दा पनि राजनीतिक विषय रहेको आरोप लगाएका छन् ।

‘ हामि बंगलादेशलाई पाकिस्तानमा बोलाउन चाएपनि उनीहरु खेल्न आउने सम्भावना न्यून छ,’ उनले भने,‘मेरो बिचारमा यो सुरक्षाको समस्या भन्दा पनि राजनीतिक मुद्दा हो ।’ खानले बंगलादेशसँग क्षतिपूर्ति माग्ने पनि बताएका छन् । उनले थपे, ‘आइसिसीको बैठकमा यो कुरा उठाउछु र क्षतिपूर्ति माग्नेछु । ’