काठमाडौं (हाम्रो खेलकुद)– बंगलादेशमा जारी इमर्जिङ नेसन्स कप क्रिकेटअन्तर्गत समूह चरणको अन्तिम खेलमा आज नेपालले हङकङविरुद्ध जितका लागि २ सय १५ रनको लक्ष्य पाएको छ । टस जितेर नेपालले हङकङलाई पहिले ब्याटिङको लागि आमन्त्रण गरेका थियो । हङकङ निर्धारित ५० ओभरमा सबै विकेट गुमाएर २ सय १४ रन बनाएको छ ।

हङकङको आपनिङ जोडिको उत्कृष्ट सुरुआत दिलाउँदै नेपालको निर्णयलाई गलत सावित गराउने प्रयास गरेका थिए । कामेरुन म्याकुल्सन र अन्सुमन रथले पहिलो विकेटका लागि ९५ रनको साझेदारी गर्दै नेपालमाथि दबाब बढाएका थिए । त्यस्तो अवस्थाबाट नेपाललाई खेलमा फर्काउन पार्ट टाइमर कप्तान ज्ञानेन्द्र मल्ल किफायती साविक तभए । उनले दुई ओभरको फरकमा दुवै ओपनरलाई आउट गर्दै नेपाललाई खेलमा फर्काएका थिए ।

ज्ञानेन्द्रले विकेट लिनुअघि अन्सुमनले अर्धशतक पुरा गरेका थिए । ६० बल खेलेका उनले ७ चौकाको मद्दतमा ५१ रन बनाए । ज्ञानेन्द्रले आफ्नै बलमा अन्सुमनलाई क्याच गरे । ७३ बलमा ४३ रन बनाएका क्यारुनले ५ चौका प्रहार गरे । वकास खानले ३०, साहिद वासिफले २२ र इशान खानले १३ रन बनाउनु बाहेक हङकङका लागि अन्य खेलाडीले दोहोरो अंकमा रन बनाउन सकेनन् ।

अभिनाष कर्णले ५ ओभरमा २९ रन दिएर ३ विकेट लिए । ज्ञानेन्द्रसँगै सुसन भारी, भूवन कार्कीले समान २ तथा सन्दीप लामिछानेले १ विकेट लिए ।

नेपाल र हङकङ दुवैले समूह चरणका सुरुआती दुई खेल हारेका थिए । प्रतियोगितबाट बाहिरिसकेका दुई एसोसिएट राष्ट्रका दुई टोलीबीचको प्रतिस्पर्धालाई प्रतिष्ठाको लडाइका रुपमा हेरिएको छ ।